Në Nju Jork barnatoret do të kryejnë teste për koronavirus

Shtetet e Bashkuara të Amerikës janë vendi më i prekur me koronavirus në botë.

Epiqendër e pandemisë së koronavirusit brenda SHBA-së mbetet shteti i Nju Jorkut, dhe për këtë arsye Guvernatori i këtij vendi ka paralajmëruar se barnatoret do të kryejnë teste për koronavirus.

Andrew Cuomo do të nënshkruajë një urdhër ekzekutiv për t’iu lejuar barnatoreve që të kryejnë teste për koronavirus.

Guvernatori Cuomo ka thënë se këto masa do të krijojnë “një rrjet prej më shumë se 5,000 barnatoreve si vende për testim”.

Ai po ashtu ka thënë se kriteri i testimit do të zgjerohet, ashtu që në testim të përfshihen punëtorët shëndetësorë të frontit të parë.

Sipas tij, numri i personave të vdekur me koronavirus është rritur për 437, në krahasim më 422 në krahasim me një ditë më parë.

Megjithatë, ai ka thënë se numri i pacientëve të hospitalizuar për shkak të virusit ka rënë për rreth 1,100 për ditë.

Sipas të dhënave të Universitetit Johns Hopkins, deri më tani në SHBA janë regjistruar mbi 900,000 të infektuar dhe mbi 50,000 të vdekur si pasojë e sëmundjes Covid-19, që shkakton koronavirusi, përcjell Albinfo.ch