Sondazhi: A duan zviceranët mbylljen e kufijve me Italinë?

Edhe pse një në katër zviceranë mendon se kufiri me Italinë duhet të mbyllet për shkak të epidemisë së koronavirusit, shumica e të anketuarve mbështesin menaxhimin dhe masat e qeverisë zvicerane

Për shembull, 76% e të anketuarve nga “SonntagsBlick” e konsideruan ndalimin e ngjarjeve të më shumë se 1.000 njerëzve si pozitive. Për më tepër, 86% mendojnë se Zyra Federale e Shëndetit Publik (FOPH) kishte siguruar informacion të mjaftueshëm në lidhje me virusin, përcjell albinfo.ch.

Sondazhi, i kryer nga 3-6 Mars midis 1,074 personave në të gjithë vendin, gjithashtu zbuloi se dy të tretat ndjejnë pak ose aspak kërcënim nga virusi, 24% e klasifikuan rrezikun e Covid-19 si të mesëm, 8% si të lartë.

Çdo person i katërt ishte në favor të mbylljes së kufijve me Italinë, e cila është një nga vendet e goditura më shumë nga virusi, së bashku me Kinën, Korenë e Jugut dhe Iranin, përcjell albinfo.ch.

Qeveria zvicerane dhe ministrat evropianë të shëndetësisë deri më tani kanë folur kundër mbylljes së kufijve për shkak të pasojave të mëdha.

---