Ambasada, thirrje shqiptarëve në Gjermani për kujdes nga virusi

Ambasada Shqiptare në Gjermani u bënë thirrje shqiptarëve atje që nëse ka raste të dyshuara, të këshillohen menjëherë te mjeku i familjes dhe të qëndrohet në shtëpi

Ambasada Shqiptare Gjermani ka bërë një njoftim për shtetasit që jetojnë në Gjermani, që të kenë kujdes dhe t’u shmangen vendeve ku ka shumë njerëz, shkruan albinfo.ch.

Nisur nga njoftimet e sotme të mediave gjermane, rezultojnë raste të reja të konfirmuara në landet Hessen dhe Hamburg. Këto vijnë pas rasteve të konfirmuara në landet Nordrhein-Westfalen, Baden-Württemberg, Bayern und Rheinland-Pfalz.

Sipas ekspertëve, edhe Gjermania është para fillimit të epidemisë. Këshillohet shmangia e vendeve me grumbullime njerëzish, përfshirë edhe spitalet. Në rastet e dyshuara këshillohet të qëndrohet në shtëpi dhe të njoftohet menjëherë mjeku i familjes, i cili ju udhëzon për çdo veprim të mëtejshëm.

---