Humbje e iniciativës për banesa të lira, fitore e ligjit kundër homofobisë

Llogaritjet e para japin se 58% e votuesve kanë hedhur poshtë iniciativën për banesa më të lira, që është përqindje më e lartë se ajo që e jepnin sondazhet

Rreth orës 12.30, edhe rezultatet zyrtare të referendumeve të zhvilluara sot pse ende nuk janë të gatshme, të gjitha shenjat janë se iniciativa për “banesa të përballueshme” po shënon humbje, shkruan albinfo.ch. Nga ana tjetër, iniciativa kundër diskriminimit homofobik, do të fitojë, njoftojnë të gjitha mediat zvicerane, të mobilizuara për votimet që po mbahen gjithandej në Zvicër.

Llogaritjet e para japin se 58% e votuesve kanë hedhur poshtë iniciativën për banesa më të lira, që është përqindje më e lartë se ajo që e jepnin sondazhet.

Ndërkaq iniciativa për normën ligjore që dënon diskriminimin mbi bazë të orientimit seksual, sipas parashikimeve, është duke fituar bindshëm. Sipas numërimeve të deritashme, 62% të zviceranëve që kanë marrë pjesë në referendum, kanë votuar në favor të kësaj norme ligjore, transmeton albinfo.ch. Më saktë: fjala është për zgjerimin e ligjit kundër diskriminimit mbi bazë race etnie etj. duke i shtuar edhe dënimin për ata që bëjnë thirrje publike për diskriminim të njerëzve mbi bazë të orientimit të tyre seksual.

Për një vepër të tillë parashihen dënime deri në 3 vjet burg ose me gjobë.

---