Lajme
Përse u desh të humbte jetën në Rajnë 25-vjeçari nga Tetova?
Rrethanat e vdekjes së tij janë ende të paqarta, por ajo që dihet është se barka prej gome në të cilën ishte ai kur humbi jetën, kishte goditur shtyllën orientuese në mes të lumit (Wiffe 53)
Më 15 shtator në lumin Rajna, në pjesën që kalon nëpër fshatin Hemishofen të Kantonit Schaffhausen ka humbur jetën një i ri shqiptar. I ndjeri (B.B) ishte 25-vjeçar nga Tearca e Tetovës. Ai ishte një futbollist i pasionuar dhe luante për ekipin e parë të FC Steckborn, shkruan shn.ch.
Rrethanat e vdekjes së tij janë ende të paqarta, por ajo që dihet është se barka prej gome në të cilën ishte ai kur humbi jetën, kishte goditur shtyllën orientuese në mes të lumit (Wiffe 53). Nga kjo përplasje ai dhe një grua 29- vjeçare që e drejtonte barkën, janë katapultuar në lumë, transmeton albinfo.ch.
29 vjeçarja kishte shpëtuar pasi që duke u mbajtur në barkën e përmbysur, kishte arritur të dilte në breg të lumit. Ndërsa shoqëruesi i saj pas një aksioni intensiv të kërkimit ishte gjetur, nxjerrë nga uji dhe ishte rianimuar. Por, pasi që ishte transportuar me helikopter në një spital, ai kishte vdekur.
Ndërsa, siç shkruan gazeta Blick, B. B., ka qenë po ashtu një notar i mirë. Gazeta ka zhvilluar një bisedüë me trajnerin e ekipit në të cilin ka luajtur i ndjeri. Sipas tij, 25-vjeçari ka qenë ndër lojtarët më të mirë të klubit dhe ka qenë po ashtu shumë i përgatitur fizikisht.
Por, siç ka sqaruar një përfaqësues i policisë, në vendet rreth shtyllave orientuese të lumit zakonisht krijohen vorbulla të fuqishme, të cilat mund të marrin në thellësi të ujit jo vetëm njerëzit, por edhe barkat.
Kufoma e të ndjerit i është dorëzuar familjes nga sektori i mjekësisë ligjore të martën që shkoi, përcjell albinfo.ch. Po atë ditë është zhvilluar një ceremoni mortore në një xhami të Frauenfeldit, ndërsa të nesërmen ai është varrosur në fshatin Tearcë të komunës së Tetovës, në Maqedoninë e Veriut.
E-Diaspora
-
Familjarët e Sadik Durakut, në kërkim të informacioneve kur ka kaluar gati një muaj në paraburgim në Serbi Familjarë të Sadik Durakut nga Kosova, i ndaluar në Serbi qysh më 17 prill, thonë se...
-
Dy filma shqiptarë në Festivalin Ndërkombëtarë të Filmit në Gjenevë
-
Ardon Jashari largohet përfundimisht nga Lucerni
-
Liverpuli kërkon mbrojtësin shqiptar që luan në Gjermani
-
Berlin
Ansambli “Shota” fiton çmim në Karnavalin e Kulturave 2024 në Berlin
Jeta në Austri
-
Avdijaj, më i miri i xhiros së fundit në Austri Futbollisti shqiptar, Donis Avdijaj, është shpallur lojtari më i mirë i xhiros së fundit në Bundesligën...
-
Austria dhe Britania e Madhe me bashkëpunim për deportimin e emigrantëve
-
Vjenë: Droni “kap” 5 shqiptarë që po punonin në të zezë
-
A do të kufizojë Hallstatt i Austrisë turizmin këtë sezon?
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi