Ne ‘Qeverinë’ e re të BE-së, Komisioneri për Zgjerim do të jetë hungarez

Kryetarja e Komisionit Evropian, Ursula von der Leyen, ka prezantuar kabinetin e ri.

“Sot jam e lumtur të paraqes Komisionin tim të balancuar, të zhdërvjellët dhe modern, i cili drejtohet me vendosmëri, i përqendruar qartë në çështjet që kemi në duar dhe jep përgjigje”, shkruan Von der Leyen.

Komisioneri për Zgjerim, Ursula von der Leyen, ka zgjedhur hungarezin László Trócsányi, përcjell albinfo.ch.

Ai është anëtar i Parlamentit Evropian dhe më parë ka shërbyer si Ambasador i Hungarisë në Francë dhe ministër i Drejtësisë për pesë vjet.

Ndërkohë, Johanes Hahn, i cili mbante këtë detyrë, do të vijojë të qëndrojë në ‘Qeverinë’ e BE-së, pasi i është caktuar posti i Komisionerit për Buxhetin.

Sa u përket funksioneve të tjera, veçohet emërimi i Paolo Gentilonit në krye të Komisionit për Ekonominë dhe Phil Hogan që do të drejtojë Komisionin e Tregtisë.