CH-Ballkani
Shqipëria po përballet me pasojat e emigracionit
Fenomeni i emigracionit ka goditur tregun e punës së vendeve të Europës Juglindore, përfshirë këtu edhe Shqipërinë.
Kjo ka bërë që ky vend të ketë mungesë të punëtorëve të kualifikuar, përcjell albinfo.ch.
Në një intervistë për Deutsche Welle, ekspertja Isilda Mara ka thënë se emigracioni po e dëmton edhe Shqipërinë në aspektin e fuqisë punëtore.
“Gjatë 4 vjetëve të fundit shtesa natyrore e popullsisë është përgjysmuar. Sigurisht rënia e fertilitetit në nivelin 1.7 ( nr. i lindjeve për grua) është një faktor që shpjegon rënien. Megjithatë tashmë jo vetëm faktori emigracion, por edhe shtimi natyrore e popullsisë po ndikojnë njëkohësisht në rënien dhe plakjen e popullsisë”, ka thënë Mara.
Mara ka thënë se sektori më i prekur në Shqipëri, që po përballet me mungesë të punëtorëve, është ai i mjekëve dhe infermierëve.
“Këto vende, përfshirë edhe Shqipërinë, për më tepër kanë humbur jo vetëm të rinj, por edhe më të kualifikuarit. Me një normë fertiliteti që ka konverguar në nivelin e 1.57 – krahasuar ajo e vendeve të Europës Perendimore – EU-1.5 – është e vështirë të imagjinosh sesi këto vende mund të rikuperojnë apo gjejnë një zgjidhje afatshkurtër, por edhe afatgjatë për të përmbysur trendin negativ të rritjes së popullsisë”, ka sqaruar ajo.
Ekspertja Mara ka folur edhe për pasojat e këtij fenomeni.
“Pasojat janë sigurisht së pari demografike: plakje dhe tkurrje e popullsisë; pra mungesa e kapitalit human për shkak se të rinjtë dhe ata që janë të kualifikuar kanë emigruar dhe vazhdojnë të emigrojnë. Pasoja tjetër është në zhvillim, për shkak se rritja ekonomike mund të ndikohet negativisht, nëse sektorët në zhvillim dhe ekspansion përballen me sfidën e gjetjes së krahut të punës dhe me kualifikimet dhe aftësitë e nevojshme”, ka thënë ajo.
Sipas saj, për ta zgjidhur këtë problem, Shqipëria duhet të ofrojë të ardhme më të mirë për të rinjtë për të zbutur emigracionin.
Po ashtu, ajo ka sugjeruar që remitencat që vijnë nga diaspora, të shfrytëzohen për të investuar në vende të reja pune.
Të ngjashme
Të tjera nga CH-Ballkani
E-Diaspora
-
Itali: Shqiptari goditi me çekiç bashkëshorten, arrestohet nga policia Raportohet se një 55-vjeçar shqiptar u arrestua nga policia italiane, pasi më 25 prill goditi me...
-
Xhaka-Gjimshiti nesër përballen për trofeun e Europa League
-
Muharrem Salihu, i gatshëm për deputet në Parlamentin Evropian
-
Inteligjenca e mërgimtarit shqiptar vlerësohet lart, kualifikohet në finalen e kampionatit të matematikës
-
Medina Jusufi Berisha, punon në profesionin që kishte ëndërruar si fëmijë
Jeta në Austri
-
Austria dhe Britania e Madhe me bashkëpunim për deportimin e emigrantëve Austria dhe Britania e Madhe kanë arritur dakordim të punojnë së bashku për të ndryshuar sistemin...
-
Vjenë: Droni “kap” 5 shqiptarë që po punonin në të zezë
-
A do të kufizojë Hallstatt i Austrisë turizmin këtë sezon?
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?