Vdes mjeku shqiptar në një aksident në Itali

Foto ilustrim

Një mjek shqiptar 66-vjeç ka mbetur i vdekur në një aksident në autostradën A25 pranë Peskarës në Itali, ndërsa dy persona të tjerë kanë mbetën të lënduar.

Siç raportojnë mediat italiane të tre mjekët ishin duke udhëtuar me një makinë Mercedes B Class nga Fiumicino.

Policia ka thënë se drejtuesi i mjetit ka humbur kontrollin, duke bërë që makina të përmbysej, përcjell albinfo.ch.

Për shkak se goditja ishte shumë e rëndë, mjeku shqiptar doli nga makina, duke ndërruar jetë në vend për shkak të plagëve të marra. Ndërsa dy të tjerët u dërguan në spital.

Autoritetet italiane thonë se janë duke punuar për zbardhjen e rrethanave të aksidentit.