Zvicra dhe Gjermania, partnerë në trajnime, kërkime dhe inovacione

Takimi vjetor i punës midis Sekretariatit të Shtetit për trajnim, hulumtim dhe inovacion (SEFRI) dhe Ministrisë gjermane të Arsimit dhe Kërkimeve (BMBF), u zhvillua 15 shkurt 2019 në Bernë, informon Albinfo.ch

Delegacionet u drejtuan nga ambasadori Mauro Moruzzi dhe drejtoresha e bashkëpunimit europian dhe ndërkombëtar, Susanne Burger, i BMBF-së.

Delegacionet kishin një pasqyrë të situatës aktuale në fushën e trajnimit, hulumtimit dhe inovacionit (sektori FRI), në veçanti në lidhje me strategjitë e reja kombëtare, zhvillimet në nivel të BE-së dhe statusin e programeve dhe iniciativave të vazhdueshme në nivel bilateral dhe multilateral. Ata diskutuan gjithashtu sfidat dhe mundësitë që lidhen me çështjet aktuale ndërkombëtare, siç janë tranzicioni digjital, inteligjenca artificiale dhe e ardhmja e formimit profesional, informon albinfo.ch. Bisedimet u përqendruan gjithashtu në bashkëpunimin ekzistues dhe të ardhshëm midis dy vendeve në fushën e inovacionit, informon albinfo.ch.

Së fundmi, delegacionet diskutuan njohjen e ndërsjellë të diplomave dhe bashkëpunimin midis rrjeteve shkencore të swissnex Network dhe homologut të tij gjerman.

Bashkëpunimi gjermano-zviceran ndikon në një gamë të gjerë sektorësh, por është veçanërisht i fortë në fushat e teknologjive të informacionit dhe komunikimit, shkencave shëndetësore, nanoteknologjive dhe infrastrukturës kërkimore. Rrjetet dhe bashkëpunimi i shkëlqyeshëm në nivel të kërkuesve dhe institucioneve në të dy vendet, janë shumë shpesh të mbështetura nga programi kornizë europian për hulumtime “Horizon 2020”. Me më shumë se 800 projekte bashkëpunimi për më shumë se 7.6 miliardë euro, Gjermania është deri tani partneri më i rëndësishëm i Zvicrës në fushën e FRI, informon Albinfo.ch.

Midis 2013 dhe 2018, Fondacioni zviceran kombëtar i shkencave gjithashtu mbështeti më shumë se 2000 projekte në të cilat mori pjesë Gjermania.

Për më tepër, me rreth 12,000 nxënës (nga 2017 deri në 2018, vetëm studentët që kanë përfunduar shkollimin e tyre në Gjermani), gjermanët janë grupi më i madh i studentëve të huaj në Zvicër; nga ana tjetër, rreth 3,000 studentë zvicerane studiojnë në Gjermani.

Për shkak të çështjeve të rëndësishme të bashkëpunimit gjermano-zviceran në fushën e trajnimit, kërkimit shkencor dhe inovacionit, të dy vendet i kushtojnë rëndësi të madhe shkëmbimeve të tyre të rregullta dhe mbajnë marrëdhënie të ngushta në nivele të ndryshme, informon Albinfo.ch. Pas takimit të njëmbëdhjetë të punës të mbajtur në vitin 2017 në Universitetin e Hamburgut, delegacionet u takuan këtë vit në Bernë për takimin e tyre të dymbëdhjetë. Takimi i radhës do të zhvillohet përsëri në Gjermani, me siguri në vitin 2020.

---