Haradinaj thotë se viti 2019 do të jetë viti i vendeve të punës

Kryeministri, Ramush Haradinaj, ka uruar qytetarët për festën e Vitit të Ri.

Me anë të një video që e ka postuar në Facebook, Haradibaj ka thënë se viti 2019 do të jetë vit i zhvillimit ekonomik.

Kryeministri Haradinaj së bashku me gruan e tij Anitën, kanë vizituar një çerdhe ku u shpërndajnë fëmijëve dhurata dhe u treguan përralla.

“Të dashur qytetarë të Kosovës kemi thënë gjithnjë që sfidat vetëm na forcojnë, e kemi gjetur vendin pa energji, pa prodhim, me rrezik me na u rrit çmimi edhe mos me pasë energji. Sot konsumojmë energji të Kosovës, edhe sot jemi të sfiduar me energji, por jemi këtu dhe jemi të fortë”, tha Haradinaj.

Haradinaj nuk la pa përnendur edhe sukseset e vitit 2018.

“E kemi gjetur vendin pa përmbyllje të infrastrukturës së sigurisë, pa ushtrinë e vet, ka edhe diçka sot: ne në tavolinat tona kemi shumë më shumë prodhime vendore. 2019-ta ka me qenë vit i ekonomisë, vit i vendeve të punës. Urime ky vit që po vjen ! Qoftë vit i sukseseve tjera për ne në Kosovë ! Urime e me fat!”, tha tutje ai.