E-Diaspora
Arrestohen nëntë punëtorë ilegalë në Gjermani
Në rastin e inspektimeve ilegale të punës të doganave gjermane, në sektorin e ndërtimtarisë, punëtorët e Kontrollit Financiar për punë ilegale, gjatë ditëve të fundit kanë ndaluar përkohësisht nëntë punëtorë të huaj, shkruajnë mediat gjermane, përcjell Albinfo.ch.
Gjatë shqyrtimit të rindërtimit të një shtëpie në Ober-Mörlen (rrethina Wetterau), doganierët hasën në tre shqiptarë dhe një malazez, të cilët ishin të zënë me punë. Asnjëri nga punëtorët të moshës 29 deri në 52 vjeçare, nuk kanë pasur leje pune të nevojshme. Të gjithë kanë pasur vetëm nga një “vizë turistike”. Punëdhënësi pranoi se i kishte angazhuar personat, njofton më tej Albinfo.ch. Ata u arrestuan përkohësisht nën dyshimin për qëndrim të paligjshëm.
Në prishjen e një sallë në Limburg, inspektorët e punës ilegale, hasën në pesë ukrainas të moshës 39 deri 42 vjeçare, të cilët gjithashtu kanë qenë duke punuar pa asnjë dokument pune të vlefshëm. Ata dyshohet se kanë punuar së bashku edhe me katër punëtorë të tjerë hungarezë, për një kompani ndërtimi hungareze. Përveç kësaj, është konstatuar se atyre nuk u është paguar paga minimale e paraparë. Që të pesë personat janë arrestuar përkohësisht nën dyshimin për qëndrim të paligjshëm.
Në të dy rastet, punëtorët e jashtëligjshëm të huaj u janë dorëzuar autoriteteve përgjegjëse të emigracionit, pasi kanë paguar secili nga një depozitë sigurimi prej 200 eurosh dhe duke mbajtur pasaportat e tyre, informon Albinfo.ch. Ata janë dëbuar për në vendet e origjinës dhe ndaj tyre është shqiptuar ndalim i përkohshëm i hyrjes në territorin gjerman.
Autoritetet doganore kanë vazhduar hetimet për punëdhënësit e tyre, për punësim të paligjshëm.
Të ngjashme
Të tjera nga E-Diaspora
E-Diaspora
-
“Më të kërkuarat janë fanellat e Zvicrës dhe ato të Shqipërisë” Pas fanellës së Zvicrës, e dyta më e kërkuar është aktualisht fanella e Shqipërisë, thotë shitësi...
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Itali, shpallen në kërkim 4 shqiptarë për këto arsye
Jeta në Austri
-
Si po e ndryshon motin në Austri ngrohja globale? Ngjarjet ekstreme të motit kanë shënuar pothuajse çdo muaj të vitit 2023 në Austri. Ekspertët thonë...
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?