Arrestohet italiani në Zvicër dyshohet për bashkëpunim me mafian

Një italian, i cili jetonte afër kryeqytetit zviceran, është dënuar me burg për anëtarësimin dhe mbështetjen e tij në “Ndrangheta”, mafias kalabriane.

Gjykata Federale e Zvicrës e dënoi 63-vjeçarin me 3 vjet e 8 muaj burgim, përcjell Albinfo.ch

I njohur si “Cosimo the Swiss”, ai kishte luajtur një rol të rëndësishëm dhe ka pasur lidhje me klanet Piedmont dhe Kalabria. Ai për mafian ka blerë armë në Zvicër dhe i ka sjellë në Itali.

Gjykata e dënoi atë edhe për një revolver të vjedhur, gjithashtu gjatë bastisjes së shtëpisë së tij janë gjetur edhe armë, të cilat përdoreshin për të mbrojtur vendet në të cilat prodhoheshin narkotikët. Atij po ashtu i duhet të paguajë 30.000 franga shpenzime të gjykatës.