Duka thotë se hetimi për Xhakën e Shaqirin është primitiv

Presidenti i FFSH-së, Armand Duka, e ka quajtur primitiv e qesharak vendimin e FIFA-s për nisjen e hetimeve për festimin me shqiponjë të Xherdan Shaqirit e Granti Xhakës.

“Futbolli është një lojë që ka emocione të forta dhe të bukura. Në çdo ndeshje të Botërorit shikon mënyra të ndryshme të festimit të golave. Edhe Xhaka e Shaqiri festuan në mënyrën e tyre golat e shënuar”, ka shkruar Duka në Facebook, përcjell albinfo.ch.

Duka ka shkruar se simboli i shqiponjës nuk është i ndaluar në asnjë vend të botës. “Nuk është simbol lufte, urrejtjeje dhe diskriminimi. Kërkesa për investigim në FIFA për mënyrën e festimit të Xhakës dhe Shaqirit është sa qesharake, aq edhe primitive. Simboli i Shqiponjës në flamurin tonë kombëtar nuk ka pse të shqetësojë askënd”, ka shkruar ai.