Granit Dervishaj, “Baba Uslender” sonte në SF1

Sonte në televizionin publik të Zvicrës Sf1 në gjuhën gjermane jepet emisioni “Cover Me”, në të cilin për çdo javë takohen dhe ballafaqohen dy botëra të muzikës; e reja me të vjetrën.

Në emisionin e sotëm, legjenda e muzikës rok, folk dhe blues të Zvicrës, Toni Vescoli takohet me reperin tashmë shumë të njohur shqiptar “Baba uslender” (alias Granit Dervishaj) dhe me moderatorin dhe reperin nga berna Knackenbou.

Edicioni i sotëm mban titullin “Cover Me – Rapi përballë evergreenit”.

Emisioni është i konceptuar në atë mënyrë që asnjëri nga pjesëmarrësit nuk është i informuar se kënd do ta takojë në emision, kështu që mbetet të shikohet se si do të rrjedhë ballafaqimi në mes të “dy botëve”.

“Cover Me” fillon në orën 22.20 në SF1.