73-vjeçarit ia rrënojnë shtëpinë pa paralajmërim

Mustafë Ramadani, 73 vjeçar nga Ferizaj ka mbetur pa kulm mbi kokë pasi shtëpia e tij është rrënuar

Një rast shumë i dhimbshëm ka ndodhur në Ferizaj, raporton televizioni lokal “TV Tema”, përcjell albinfo.ch.

Mustafë Ramadani, 73 vjeçar nga Ferizaj ka mbetur pa kulm mbi kokë pasi shtëpia e tij është rrënuar. I moshuari që jeton i vetëm thotë se shtëpia e tij u rrënua në kohën kur ai nuk ishte aty.

Ai ka thënë se shtëpinë e tij ia rrënoi një biznesmen duke mos e lajmëruar as rrobat t’i largojë nga aty.

“Nuk më ka mbetur asgjë. Kam mbetur pa shtëpi. Madje, as nuk më kanë lajmëruar. Sikur t’i kisha larguar të paktën rrobat. Kam pasur leje për shtëpi. Tashmë jo vetëm që nuk kam askënd, por as shtëpi”, ka thënë Ramadani.

Ndërkohë, policia ka konfirmuar deklaratën e tij, por nuk ka dhënë detaje tjera në lidhje me këtë rast.