59% e zviceranëve janë pro ndryshimit të Ligjit të Azilit

30 për qind të qytetarëve do të votonin kundër ndërsa 11 për qind janë të pavendosur

Në mesin e çështjeve për të cilat do të votohet më 5 qershor është edhe votimi për ndryshimin e Ligjit të Azilit. Lidhur me këtë çështje, një sondazh i realizuar së fundi nga Instituti për Hulumtimin e Opinionit GFS ka ardhur në përfundimin se ai ligj do të votohej relativisht bindshëm, gjegjësisht nga 59 për qind e zviceranëve me të drejtë vote. 30 për qind të qytetarëve do të votonin kundër  ndërsa 11 për qind janë të pavendosur, shkruan srf.ch.

Sipas GFS, rreth kësaj çështjeje nuk ka pasur ndonjë ndryshim të madh të qëndrimit kështu që është e pritshme që ligji të kalojë votimin. Por megjithatë ka mundësi që kampi i kundërshtarëve të shtohet ne peshë, transmeton albinfo.ch.

Ndonëse referendumin e ka iniciuar SVP/DCU-ja, vetëm 46 për qind e simpatizantëve të kësaj partie do të votonin pro. Ndërsa te partitë tjera kuota e përkrahësve të këtij ligji është më e lartë. Te SP/PS 72% janë në favor të ndryshimit të ligjit. Te të Gjelbrit kjo përqindje është 60% te FDP 58% dhe te CVP 56%.