3.7 milionë bujtje nëpër hotelet zvicerane

Për hotelet zvicerane viti ka shkuar mirë deri tani. Gjithashtu në muajin shtator kanë tërhequr më shumë mysafirë. Në total, hotelet numëruan 3.7 milionë bujtje. 3.2 për qind më shumë se në të njëjtin muaj të vitit të kaluar, siç njoftoi Enti Statistikor Federal (BFS), shkruan albinfo.ch.

Mysafirët vendës kanë rezervuar 1.7 milionë bujtje në shtator, një rritje prej 4.6 për qind krahasuar me të njëjtën periudhë të vitit të kaluar. Vizitorët e huaj kishin realizuar 2.0 milionë bujtje, që është 2 për qind më shumë se në të njëjtin muaj të vitit të kaluar.

Që nga fillimi i vitit, numri i bujtjeve është rritur në mënyrë kumulative me 3.7 për qind, në total prej 30.9 milionë. Në Zvicër janë realizuar 13.7 milionë bujtje (+ 2.9%) dhe 17.2 milionë të huaj (+ 4.4%).

Në vitet e fundit, frangu i fortë zviceran ka bërë që hotelet zvicerane të bëhen më të shtrenjta në krahasim me vendet e tjera, gjë që ishte kryesisht për shkak të numrit të bujtjeve me mysafirë evropianë. Meqenëse frangu është dobësuar disi ndaj euros, evropianët gjithashtu po rikthehen në Zvicër.