25 vjet nga masakra në Krushë të Madhe

FB: Dr. Eman Tahawy

25 vjet më parë nga 25 deri më 27 mars 1999, në Krushë të Madhe të Rahovecit 243 persona u masakruan nga forcat serbe.

Krahas kësaj u dogjën edhe 893 shtëpi.

Masakra në Krushë të Madhe është ndër masakrat më të mëdha në Kosovë gjatë luftës së viteve 1998-1999.

Edhe sot e kësaj dite, shumë persona nga Krusha e Madhe vazhdojnë të jenë të zhdukur. Masakra në Krushë të Madhe ishte pjesë e aktakuzës për krime lufte kundër kasapit të Ballkanit, Sllobodan Millosheviq, dhe disa udhëheqëseve të tjerë politikë e ushtarakë serbë.

Pavarësisht kësaj, për këtë masakër asnjëherë nuk pati një proces të mirëfilltë hetimor dhe askush nuk është dënuar drejtpërsëdrejti për krimet e kryera në këtë fshat. /KSP