100 milionë euro: Ekspozita më e shtrenjtë e oldtimer-ëve në botë

Vetura më e shtrenjtë e ekspozuar në ekspozitën e oldtimer-ëve në Essen është një Bugatti i vitit 1955, që kushton 35 milionë euro

Muzeu nacional francez “Schlumpf” i qytetit Mülhausen ka hapur në Essen të Gjermanisë ekspozitën më të kushtueshme të automobilave të vjetër (oldtimer) në botë.

40 automobila ekskluzivë të viteve të ndryshe të prodhimit, (gjithsesi të viteve të hershme), nuk janë restauruar asnjëherë deri tash. Ata deri në këtë ekspozitë janë mbajtur nëpër bodrume të muzeut dhe kurrë nuk i janë ekspozuar syrit të publikut.

Në mesin e oldtimer-ëve më të shtrenjtë dhe më ekstravagantë të ekspozuar në Essen është një Bugatti T251 nga viti 1955. Vetëm dy ekzemplarë të tillë janë prodhuar dhe sot ai, njëri prej tyre, kushton plot 35 milionë euro. Ndërsa vlera e përgjithshme e automobilave të ekspozuar kalon mbi 100 milionë euro.