Lajme

1.2 milionë të pastrehë në Turqi

E hënë, 13 Shkurt 2023 - 23:55 albinfo.ch

Keystone (IHA via AP)

Tërmeti shkatërrues në rajonin kufitar turko-sirian një javë më parë ka lënë të pastrehë 1.2 milionë njerëz në Turqinë juglindore, njoftoi sot zyra presidenciale e Turqisë.

Një djalë 13-vjeçar u gjet i gjallë sot në mbrëmje pas 182 orësh nën rrënoja në provincën Hatay të Turqisë, njoftoi transmetuesi shtetëror TRT.

Në rajonin juglindor të Adiyaman, një vajzë 6-vjeçare u gjet gjithashtu më herët gjatë ditës, 178 orë pas tërmetit, tha Ministria e Mbrojtjes e Turqisë.

Shanset për shpëtime të mëtejshme janë të pakta.

Të mbijetuarit që janë gjetur anë pasur akses në ujë, si nga uji i shiut ose i borës.

Normalisht, një person mund të rezistojë rreth 72 orë pa ujë.

Ndërkohë, rreth 176 000 tenda janë ngritur në provincat e goditura nga tërmeti në Turqi.