Zvicra strehon 80 refugjatë me nevoja të veçanta nga Libia

UNHCR konsideron se janë rreth 5000 refugjatë me nevoja të veçanta që duhet të evakuohen nga Libia

Zvicra do të strehojë për herë të parë 80 refugjatë me nevoja të veçanta nga Libia. Pranimi i tyre bëhet pas lutjes që UNHCR (Komisariati i Lartë i OKB-së për Refugjatë i ka bërë Zvicrës, ka deklaruar ministrja e drejtësisë, Simonetta Sommaruga.

Deri tash Zvicra ka pranuar dhe strehuar vetëm “refugjatë kontingjentesh” nga Siria. Për shkak të kushteve të padenja për njeriun që po mbretërojnë në kampet e refugjatëve në Libi, Sommaruga gjatë nëntorit ishte zotuar për të marrë edhe refugjatë nga Libia.

UNHCR konsideron se janë rreth 5000 refugjatë me nevoja të veçanta që duhet të evakuohen nga Libia.