Temperatura të larta në Zvicër, rrezikohet mundësia e skijimit

(KEYSTONE/Jean-Christophe Bott)

Sezoni i skijimit filloi mirë, me borë të bollshme në Alpe. Por temperaturat rekord të larta që parashikohen në male për ditët në vijim, madje edhe në lartësi të mëdha, mund t’u japin fund sporteve dimërore në të ardhmen e afërt, sipas meteorologes Sabine Balmer nga transmetuesi publik SRF, përcjell albinfo.ch.

Shirat e shumtë dhe temperaturat jashtëzakonisht të buta po shkrin borën që ra në male javët e fundit, tha ajo.

Kjo do të thotë se temperaturat edhe në një lartësi prej 2000 metrash – zakonisht nën 0 gradë në këtë kohë të vitit – do të arrijnë nga 10 deri në 12 gradë deri në Vitin e Ri.

Ky nuk është pa dyshim një lajm i mirë për njerëzit që planifikojnë të shkojnë në shpatet gjatë pushimeve ose turistët që janë tashmë në vendpushimet malore për skijim. /Albinfo.ch