Zvicra, kampione botërore sipas kilometrave të bëra me tren

Zviceranët janë kampionët e botës sipas distancës së udhëtimit me tren.

Më 2013 udhëtarët zviceranë kanë bërë një mesatare prej  2.307 km (1.45% në krahasim me vitin 2012) gati 400 më shumë se japonezët.

Ashtu si çdo vit, shërbimi për informacione rreth transportit publik (LITRA) ka analizuar statistikat për vitin 2013 të Bashkimit Ndërkombëtar të Hekurudhave (UIC), për të shqyrtuar frekuencat e përdorimit të hekurudhës dhe distancave të kryera nga udhëtarët. Pozicionet nuk kanë ndryshuar.

Pas një rënie të lehtë në vitin 2012, numri i kilometrave të bëra nga udhëtarët në vit në Zvicër është rikthyer në vitin 2013 në nivelin e tij të mëparshëm. 2307 kilometrat e bëra nga udhëtarët vendosin Zvicrën në mënyrë të qartë në vendin e parë botëror.
 
Japonia është shumë prapa (1912), para Francës (1301),  Austrisë (1280) dhe Danimarkës (1190). Në ekstremin tjetër janë Estonia, Greqia, Lituania dhe Letonia.