Lajme
Ziadin Sela, me lëndime trupore, por jashtë rrezikut për jetë
Ziadin Sela ka dëmtime të ndryshme, por gjendja e tij është nën kontroll dhe nuk paraqet asnjë rrezik për jetën, thotë Arben Taravari, bashkëpunëtori më i afërt i Selës
Kryetari i Lëvizjes për Reforma në PDSH, Ziadin Sela është jashtë rrezikut për jetë, pas sulmit të mbrëmshëm të huliganëve të VMRO DPMNE-së në Kuvendin e Maqedonisë. Sela, deputetë në Kuvend, ishte në “target” të protestuesve violent që hyjnë me dhunë në Kuvendin e Maqedonisë dhe sulmuan deputetët e koalicionit LSDM-BDI-Aleanca për Shqiptarët.
Sipas përfaqësuesve të partisë së tij, Sela ka disa lëndime trupore si pasojë e dhunës së huliganëve, por është jashtë rrezikut për jetë.
Arben Taravari, bashkëpunëtori më i afërt i Selës, përmes një postimi në Facebook, tha se ju është përgjigjur të gjithë atyre që pyesin për shëndetin e kryetarit të LR-PDSH-së, Ziadin Sela ka dëmtime të ndryshme, por gjendja e tij është nën kontroll dhe nuk paraqet asnjë rrezik për jetën.
“Për shkak të situatës së jashtëzakonshme që po kalon vendi, jemi të detyruar të lëshojmë këtë komunikatë, e cila synon të qetësojë qytetarët që pyesin për shëndetin e Kryetarit të LR-PDSH-së z.Ziadin Sela. Zalë Zotit ai është mirë. Ka dëmtime të ndryshme por gjendja e tij është nën kontroll dhe nuk paraqet asnjë rrezik për jetën”, thotë Taravari.
Ai falënderon te gjithë ata të cilët, siç thotë Taravari, po qëndrojnë këmbëngulës pranë tyre.
“Bëjmë thirrje për qetësi, ju urojmë një natë të qetë, duke ju siguruar që Ky nuk është fillimi i Asgjëje, ky është vetëm Fundi i një të Keqeje…Fundi i pashmangshëm i saj.”, shkruan Taravari.
Sela viteve të fundit, për shkaka të politikës së fortë shqiptare, ka qenë “halë në sy” për mbështetësit e ish kryeministrit Nikola Gruevski dhe partisë së tij VMRO DPMNE.
Ndryshe, turma me simpatizant të dhunshëm të VMRO DPMNE-së hyrë në Kuvend, pasi deputetët e koalicionit LSDM-BDI, Aleanca për Shqiptarët, votuan Talat Xhaferin për kryetar të Kuvendit të Maqedonisë. Disa nga protestuesit goditen liderin opozitar Zoran Zaev, duke e përgjakur atë. Policia ishte spektator në këtë rast.
E-Diaspora
-
Rekord i ri i krimeve të motivuara politikisht në Gjermani Vitin e kaluar në Gjermani numri i krimeve të motivuara politikisht të raportuara në polici arriti...
-
Itali: Shqiptari goditi me çekiç bashkëshorten, arrestohet nga policia
-
Xhaka-Gjimshiti nesër përballen për trofeun e Europa League
-
Muharrem Salihu, i gatshëm për deputet në Parlamentin Evropian
-
Inteligjenca e mërgimtarit shqiptar vlerësohet lart, kualifikohet në finalen e kampionatit të matematikës
Jeta në Austri
-
Avdijaj, më i miri i xhiros së fundit në Austri Futbollisti shqiptar, Donis Avdijaj, është shpallur lojtari më i mirë i xhiros së fundit në Bundesligën...
-
Austria dhe Britania e Madhe me bashkëpunim për deportimin e emigrantëve
-
Vjenë: Droni “kap” 5 shqiptarë që po punonin në të zezë
-
A do të kufizojë Hallstatt i Austrisë turizmin këtë sezon?
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi