Lajme
Zhdukja e tenistes kineze Peng Shuai, enigmatike
Media shtetërore kineze publikoi një video tjetër të tenistes Peng Shuai, ku ajo shfaqet në një turne të rinjsh që po mbahet në Pekin.
Videoja në fjalë është e fundit që postohet nga drejtuesit e “Global Times”, që kanë deklaruar se është xhiruar nga një prej operatorëve të tyre në event.
Të shtunën gazeta publikoi një tjetër video, që e tregonte tenisten teksa konsumonte një vakt në një restorant të Pekinit.
Qeveria kineze është përballur në ditët e fundit me thirrje të shumta nga Perëndimi mbi gjendjen e sportistes, e cila u zhduk pas një postimi të datës 2 nëntor në rrjetet sociale, ku akuzonte ish-zëvendëskryeministrin Zhang Gaoli për ngacmim seksual.
Kryetari i Federatës së Tenisit për Femra, Steve Simon, doli të shtunën me një deklaratë që vinte në dyshim lirinë e Peng, pas publikimit të videos në restorant.
“Edhe pse është pozitive ta shohësh, mbetet e paqartë nëse ajo është e lirë të marrë vendime dhe të kryejë veprime pa një ndikim të jashtëm”, deklaroi Simon, duke shtuar se vetëm videoja nuk mjafton.
Episodi ka futur në një tension politik Pekinin, që po bëhet gati të presë Lojërat Olimpike Dimërore, që mbahen në shkurt.
Të ngjashme
Të tjera nga Lajme
E-Diaspora
-
Platforma“Made in Kosova” promovon potencialin ekonomik, kulturor e turistik Në ambientet e TechPark Prishtina, sot u përuruan këndi dhe platforma më e re “Made in...
-
Prime Travel, partneri juaj i udhëtimeve
-
A mendoni se vetëm 400 mijë shqiptarë janë në diasporë?
-
Presidentja Osmani: Regjistrohuni, mërgimtarë!
-
Shqiptarja Mira Murati prezanton modelin e përditësuar të ChatGPT
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë