Zgjedhjet në Shqipëri: Afër 90 mijë fletëvotime të shpërndara në Evropë

Sipas shifrave zyrtare të KQZ-së, deri sot ora (09:00) janë dorëzuar 87 581 zarfe dhe 33 janë marrë nga zgjedhësit

Komisioni Qendror i Zgjedhjeve ka nisur shpërndarjen e fletëve të votimit për shqiptarët që jetojnë jashtë vendit dhe që janë regjistruar për të marrë pjesë në zgjedhjet parlamentare të 11 majit.

Sipas shifrave zyrtare të KQZ-së, deri sot në orën 09:00 janë dorëzuar 87.581 zarfe, ndërsa 33 janë kthyer nga zgjedhësit, transmeton albinfo.ch.

Sipas KQZ-së, deri më tani janë dërguar fletët e votimit për bashkatdhetarët nga qarqet Elbasan, Durrës, Berat, Gjirokastër, Dibër, Korçë dhe Kukës, të cilët jetojnë në shtete të ndryshme të botës.

Zarfet e dërguara u përkasin bashkatdhetarëve nga qarqet:

• Elbasan: 25.021

• Durrës: 24.872

• Berat: 15.502

• Dibër: 9.582

• Gjirokastër: 8.453

• Kukës: 3.946

• Korçë: 205

Të ndara sipas shteteve, janë dërguar:

• Në Itali: 33.253 zarfe

• Në Greqi: 28.413

• Në Gjermani: 8.673

• Në Mbretërinë e Bashkuar: 6.668

• Në Shtetet e Bashkuara të Amerikës: 4.198

• Në Francë: 1.569 zarfe

Votuesit në diasporë kanë kohë ta plotësojnë dhe ta dërgojnë fletën e votimit me postë deri në javën e parë të muajit maj. Çdo votë që mbërrin në Shqipëri pas datës 11 maj, ora 19:00, do të konsiderohet e pavlefshme.

Vendi i caktuar për administrimin e këtij procesi është Pallati i Sportit “Feti Borova”, pranë Parkut Olimpik në Tiranë. Aty po përgatiten dhe dërgohen fletët e votimit dhe, po aty, do të kryhet edhe numërimi i votave të diasporës.

Fletët e votimit do t’u mbërrijnë bashkatdhetarëve në Evropë nga data 15 deri më 22 prill, ndërsa në kontinentet e tjera nga data 15 deri më 25 prill.

Pasi të marrë zarfin me fletën e votimit, zgjedhësi nga jashtë këshillohet ta dërgojë atë në KQZ brenda tre ditëve nga momenti i marrjes.

Votuesit nuk do të kenë asnjë shpenzim, pasi posta paguhet nga KQZ-ja.

---