Zbulohet një koloni e bletëve të kontrabanduara

Administrata Federale e Doganave (AFD), në bashkëpunim të ngushtë me shërbime të ndryshme kantonale veterinare, zbuloi një koloni kontrabanduese bletësh në një shkallë të madhe. Për të parandaluar futjen e sëmundjeve të bletëve dhe parazitëve, me dhjetëra koloni bletësh janë shkatërruar.

Një e treta e ushqimeve në botë varen nga pllenimi i bletëve. Bleta qëndron në vend të tretë në mesin e kafshëve të dobishëm prapa kafshëve shtëpiake. Humbjet e bletëve, siç pati ndodhur gjatë dimrit të fundit, shkaktojnë humbje të konsiderueshme për bletarët. Gjithashtu, tashmë është e ditur se bletët ndikojnë në mbajtjen e florës së pyjeve dhe kullosave, duke ripërtërirë natyrën si hallkë të zinxhirit ekologjik.

Një kompani, e cila pretendonte se kishte selinë e saj në kantonin e Zug-ut, ka përfituar nga humbjet e kolonive të bletëve gjatë dimrit të kaluar, për t’u ofruar bletarëve tufa artificiale bletësh nëpërmjet internetit dhe me një çmim prej 135 frangash. I kontaktuar me telefon, furnizuesi thoshte se ai shiste bletë të kantonit të Ticinos në Zvicër.

Të informuar për rastin, Njësia hetuese i Drejtorisë së doganave ka kryer hetime të mëtejshme që çoi më 1 maj 2012 te zbulimi i importeve ilegale në pika kufitare të ndryshme.

Kërcënim për shëndetin e bletëve

Importet e paligjshme të bletëve janë të rrezikshme për shkak se ato mund të importojnë agjente patogjene në Zvicër si dhe parazitë dëmtues. Rrezikshmëria e këtyre parazitëve është ilustruar, për shembull, nga insekti i ashtuquajtur varroa, i futur në Zvicër rreth 25 vjet më parë falë importimeve të bletëve nga Azia. Që nga ajo kohë ky insekt është importuar në Zvicër dhe bletarët janë të detyruar të trajtojnë rregullisht kolonitë e tyre për të mos i humbur të gjitha bletët. Këto insekte bashkë me agjentët patogjenë janë thelbi kryesor i vdekjeve të bletëve.