Xherdani u dhuron prindërve një banesë moderne

Kanë kaluar kohët kur Shaqirajt duhej ta ngrohnin me dru shtëpinë e tyre të fshatit dhe kur u duhej të kursenin çdo qindarkë

Ylli i kombëtares së Zvicrës, Xherdan Shaqiri është rritur në kushte modeste në një shtëpi fshati në Augst të kantonit Baseland. “Unë e di se si duket edhe ana tjetër e jetës”, thotë ai. Ndërsa tash, Shaqiri u ka blerë prindërve të tij, në shenjë falënderimi, një banesë supermoderne, shkruan “Aargauer Zeitung”.

Ata duhet të kenë durim deri në pranverë, kur banesa në Kaiseraugst (Aargau) do të jetë e gatshme për t`i pranuar. Atëherë, vetë Xherdani me dy vëllezërit Arianitin dhe Erdinin do të kenë banesën e tyre të veçantë, ndërsa prindërit me vajzën, Medinën, banesën e tyre, menjëherë aty, përballë.

Historia e familjes, e cila kishte ardhur në Zvicër në vitin 1991 po kurorëzohet me sukses. Kanë kaluar kohët kur Shaqirajt duhej ta ngrohnin me dru shtëpinë e tyre të fshatit dhe kur u duhej të kursenin çdo qindarkë. Por, po ashtu kanë kaluar edhe çastet e shkurta të gëzimit, kur ishte një poster me Ronaldon i varur në dhomën e tre djemve, ai që frymëzonte ata të tre që të luanin në klubin lokal SV August.

Ylli i futbollit nuk do t`ia kthejë kurrë shpinën Augst-it: “SV Augst ësht¨dashuria ime e vjetër, klubi im bazë”, shkruan “Aargauer Zeitung”.