Xherdan Shaqiri, i dashuruar në topin

„SF Sport“ në një dokumentar ka bërë të njohur fëmijërinë e tij dhe ka treguar për dashurinë që kishte për futbollin talenti kosovar

Xherdan Shaqiri mbetet në fokus të mediave zvicerane me tre golat e kualifikimit të shënuara për kombëtaren e Zvicrës në “Euro 2012” kundër Bullgarisë..

Televizioni zviceran „SF Sport“ në një dokumentar ka bërë të njohur fëmijërinë e tij dhe ka treguar për dashurinë që kishte për futbollin talenti kosovar që në vegjëli. Futbollisti kosovar si i vogël e kishte pasion topin dhe ishte mjaft sportiv.

Për Xherdan Shaqiri ka folur edhe mësuesja e tij e parë, Monika Hufschmid.
„Ai ka qenë gjithmonë sportiv“, kujton mësuesja talentin kosovar. “Në kohën e pushimeve, ai gjithmone kishte vrapuar me top dhe gjuante në të gjitha  portat”, tregon Hufschmid .

Në një mbledhje prindërore mësuesja kishte biseduar për muskujt e Xherdanit, që dallonin nga bashkëmoshatarët e tij. Ajo e buzëqeshur thotë t’i ketë treguar babai i Xherdanin, se ai mban nën krevat peshat dhe ushtron me to për çdo ditë.

Për Xherdanin ka folur edhe trajneri i tij i parë, Michael Meier, në klubin “SV Augst”. 
Meier ka thëne se në mendjen e 19 vjeçarit gjithmonë ka qenë futbolli.  “Xherdani ishte mjaft i dashuruar në topin. Një minutë pas zëvendësimit u ndal afër meje dhe më pyeti se kur mund të kthehej në fushë”, tregon Meier.

Paralelisht me ekipin e futbollit Basel, ku luajti 10 vjet, Shaqiri kishte filluar të punonte si shitës në një butik. Shefi i tij, Diego Gaio, thotë të jetë krenar që punoi bashkë me përfaqësuesin zviceran. “Shaqiri do të ishte një shitës i mirë nëse nuk do të merrej me futboll”, thotë ai. Madje ai ka treguar se punëtorët tjerë mbajnë ende dollapin me emrin e Xherdan Shaqirit..

Po ashtu për fëmijërinë e Xherdan Shaqirit kanë folur edhe vëllai i tij Edini dhe motra Medina..

http://www.sport.sf.tv/Nachrichten/Archiv/2011/09/12/Fussball/Shaqiri-Ballverliebt-und-allseits-beliebt