Xhaka nuk shkon askund, thonë në Bazel

Georg Heinz, drejtor sportiv në FC Basel: "Kalimi i Xhakës në ekipin gjerman nuk është asgjë më tepër se një thashetheme”

Deklarimet se kalimi i talentit të madh të futbollit, Granit Xhakës nga FC VBaseel në FC Borussia Mönchengladbach është punë e kryer, po dalin të rreme. Atyre u ka dhënë fund në m¨üenyrë të vendosur drejtori sportiv i klubit FC Basel, Georg Heinz.

Pas shkëlqimit të tij, krahas Shaqirit, në ndeshjet për Ligën e kampionëve, Xhaka hyri shpejt në listat e dëshirave të klubeve të mëdha evropiane. Nuk ka qenë vetëm Borussia që e ka lakmuar 19 vjeçarin shqiptar. Madje edhe ekipe si Mancester United dhe Liverpool ia kishin vënë syrin atij. Ndërsa Hamburger SV, ku kishte ishte angazhuar trajneri i mëparshëm i Bazelit, Thorsten Fink kishte qenë i pari që kishte shfaqur pretendimet për shërbimet e Xhakës.

Por, nga mesi i javës që po lëmë pas gazetat sportive gjermane si “Kicker” dhe ndonjë tjetër e kishin sjellë transferin e Xhakës në Borussia si punë ditësh. Pak më vonë doli se shuma e kompensimit që kërkonte FC Basel (10 milionë euro) mund të ishte e papranueshme për gjermanët.

Ndërsa dje, drejtori sportiv i Bazelit, Georg Heinz ka qenë i prerë për mediet gjermane: “Borussia Mönchengladbach nuk ka dhënë madje as edhe një ofertë përafërt. Me këtë, kalimi i Xhakës në ekipin gjerman nuk është asgjë më tepër se një thashetheme”.