“Në këtë ngjarje morën pjesë rreth 300 spektatorë, austriakë nga shoqëria civile, organizata të aftësisë së kufizuar, përfaqësues lokalë dhe qytetarë. Ngjarja u nderua me praninë e figurave të njohura të kinemasë botërore, si Veit Heiduschka, producent i filmit Amour nga Michael Haneke, si dhe Peter Macdonald, i njohur për kontributin në projekte si Superman, Rambo III, Harry Potter dhe Cabaret. Të dy kanë qenë gjithashtu anëtarë jurie në edicionet e kaluara të festivalit. Ngjarja u organizua nga KulturWolke, Hans Peter Arzberger dhe Michael Stoeger, së bashku me stafin dhe vullnetarët e mrekullueshëm”, thuhet në njoftim, transmeton albinfo.at.

Ndër filmat e tjerë u shfaq edhe filmi “Sara” i prodhuar nga Art Without Limit teksa para të pranishmëve mbajti një fjalë rasti vet Sara protagoniste e filmit, ndërsa mbrëmja u përmbyll me një performancë në piano nga Unik Ukshini.

Aktiviteti u përkrah edhe nga Ambasada e Republikës së Kosovës në Vjenë dhe Ministria e Punëve të Jashtme dhe Diasporës, ku të pranishëm ishin znj. Lindita Rexha, znj. Marigona Vrajolli dhe z. Bekim Shllaku.