Veseli kërkon vetting për sistemin e drejtësisë

Kryetari i Kuvendit të Kosovës, Kadri Veseli, ka kërkuar që institucionet e vendit së bashku me partnerët ndërkombëtarë, ta bëjnë vettingun për sistemin e drejtësisë, policisë, por edhe për politikën.

Ai ka thënë se kjo do të shërbente që personat, të cilët udhëheqin qytetarët, të jenë të pastër dhe kredibilë, përcjell albinfo.ch.

Këto komente ai i ka bërë pas nënshkrimit të Memorandum-Bashkëpunimit për vazhdimin e projektit për rekrutimin e zyrtarëve profesionalë në pozita të larta drejtuese, që e ka bërë me ambasadorin britanik, Ruari O’Connell. Veseli theksoi se ka pasur kritika lidhur me procesin e rekrutimit të njerëzve në pozita të tilla dhe për këtë po vazhdon ky projekt, i cili do t’i luftojë pabarazitë dhe do të ndihmojë në përzgjedhjen e kuadrove profesionale. Ndërsa, ambasadori O’Conell deklaroi se nënshkrimi i këtij memorandumi është një nga lajmet më të mira në dy vjetët e fundit. Ai ka thënë se përmes këtij projekti, do të adresohen rastet e nepotizmit.