Ushtarët zviceranë do të hanë ushqim zviceran që nga 2015-a

Ushtria do të shërbehet 100% me ushqim zviceran që nga janari. Kështu ushtria u përgjigjet shqetësimeve të ngritura nga Shoqata për Mbrojtjen e Kafshëve të Zvicrës (SAP).

Kjo shoqatë për mbrojtjen e kafshëve zvicerane (SAP) ishte shqetësuar se Ushtria zvicerane shërbehej me mish nga disa shtete që nuk i përmbushin të njëjtat standarde të përmbajtjes së shtazëve. Shoqata është dëgjuar nga Departamenti Federal i Mbrojtjes. Kostoja totale e operacionit është 1.5 milionë franga.

Ushtria ka konsideruar këtë veprim si përgjigje e disa artikujve në shtyp. Në veçanti flitej për mish të lepurit hungarez që ishte shërbyer për shkak të çmimeve të volitshme. Për të ushqyer një ushtar institucioni gëzon një buxhet prej 8.50 CHF në ditë. 

Ndërhyrja nga shoqata PSA ka bërë të mundur një zgjidhje mes fermerëve në Zvicër dhe institucionit ushtarak, ka konfirmuar Daniel Reist, zëdhënëse e ushtrisë.

“I gjithë ushqimi i shërbyer do të vijë ekskluzivisht nga fermerët  ose prodhuesit zviceranë”, tha ai. Ndërsa ai tha se peshku i shërbyer do të etiketohet si produkt që respekton dinjitetin e kafshëve.

Kostoja totale e operacionit: 1.5 milionë franga zvicerane, të cilat do të shtohen në buxhetin aktual të 63 milionë të shpenzuar në ushqim për trupat ushtarake.