Feja
Urimi i imamëve shqiptarë në Zvicër për festën e Bajramit
Unioni i Imamëve Shqiptarë në Zvicër, uron të gjithë besimtarët muslimanë që jetojnë dhe veprojnë në këtë vend, por edhe më gjërë, për një Ramazan të pranuar dhe një Bajram të gëzuar.
„Me Emrin e Allahut, Mëshirëbërësit, Mëshirëplotit. Të gjitha falënderimet janë për Allahun e Madhërishëm. Atij i jemi mirënjohës për çdo mirësi dhe begati që na ka dhuruar. Me kënaqësi të madhe i shprehim respekt dhe përshëndetje Muhammedit alejhis-selam, të gjithë pejgamberëve të tjerë dhe njerëzve të mirë.
Allahu i Lartësuar e caktoi Ramazanin për mirëqenien tonë. Ky muaj erdhi për t’i dhënë pushim trupit dhe për ta zgjuar shpirtin. Sot besimtarët ndjehen të kënaqur, sepse, me lejen e Zotit, arritën t’i kurorëzojnë ibadetet e caktuara në këtë muaj të bekuar.
Nga Ramazani dalim më të fuqishëm, me lidhje me të forta me Zotin, vetveten, familjen, miqtë dhe me të gjithë njerëzit.
Të nderuar vëllezër dhe motra, Bajrami po vjen dhe ne e ndiejmë kënaqësinë e kësaj feste. Gëzimi ynë përkon me dëshirën tonë për t’u pranuar mundi dhe sakrifica jonë në Ramazan.
Me këtë rast, Unioni i Imamëve Shqiptarë në Zvicër, uron të gjithë besimtarët muslimanë që jetojnë dhe veprojnë në këtë vend, por edhe më gjërë, për një Ramazan të pranuar dhe një Bajram të gëzuar.
Ditët festive të Bajramit le të reflektojnë midis nesh përshpirtshmëri, zemërgjerësi, tolerancë, humanizëm, mirëkuptim të ndërsjellë, sjellje të ndritshme, si dhe urtësi në fjalë dhe në vepër.
Me shpirtin dhe fuqinë e Ramazanit, le t’i gëzohemi dinjitetshëm Bajramit, kurse me gëzimin e Bajramit, le t’i qetësojmë dhe le t’i gëzojmë njerëzit me selamin dhe paqen tonë.
Urimin e Bajramit të Ramazanit e përcjellim, në radhë të parë te muslimanët në Zvicër, pastaj për të gjithë ata muslimanë që jetojnë dhe veprojnë në shtetet fqinje, për muslimanët tanë shqiptarë në vendlindjet tona dhe për të gjithë botën mbarë muslimane.
Allahu ynë na e mundësoftë që të jetojmë në paqe dhe dashuri! Gëzimi dhe harreja qofshin me ju, me familjet dhe miqtë tuaj! Urime festa e Fitër Bajramit!“, thuhet në njoftimin e kryetarit të Unioni i Imamëve Shqiptarë në Zvicër, Nehat Ismaili
E-Diaspora
-
Shkolla verore “Jam shqiptar”, nisin aplikimet për edicionon e dytë Kujtojmë se vitin e kaluar për herë të parë Qendra e Botimeve për Diasporën organizoi shkollën...
-
Pse banorët e huaj të pasur kanë më shumë gjasa të bëhen shtetas zviceranë?
-
Lucern: Dënohet me nëntë vjet burgim tregtari shqiptar i drogës
-
Mbi një mijë punëtorë shëndetësorë kosovarë u punësuan në Gjermani për nëntë muaj
-
Austri: Djemtë e dëshmorit përzgjidhen për të prezantuar historinë e tyre të suksesit si ekspertë integrimi
Jeta në Austri
-
Kombëtarja shqiptare vendoset në Grac të Austrisë Në Austri kombëtarja do të qëndrojë deri më 8 qershor...
-
Gjashtë gjëra që duhet t’i dini për vizitat te mjeku në Austri
-
Kur janë pushimet shkollore në Austri në vitin 2024?
-
A është më mirë të marrësh me qira apo të blesh pronë në Austri tani?
-
Presidentja Osmani arrin për vizitë në El Salvador, pritet me ceremoni shtetërore