Ujkani humbi ndeshjen dhe dhëmbin!

Për portierin e skuadrës italiane Novara Calcio, në Serie A, shqiptarin nga Kosova, Samir Ujkani, ndeshja kundër Bolonjës mysafire ka qenë dyfish fatale. Së pari, Novara ka humbur ndeshjen me rezultatin 0:2, dhe së dyti, që është më e dhimbshme (fizikisht) Ujkani ka humbur një dhëmb.

Ujkani i është huazuar Novara-s nga Palermo ku ishte duke luajtur dy vitet e fundit.

Për dhëmbin e kosovarit, ka qenë fatale përpjekja e bashkëlojtarit të tij, Morganella, për ta larguar një top të skuadrës kundërshtare nga zona e rrezikut, pranë portës. Po këtë synim kishte edhe Ujkani, kështu që ata dy përplasën kokat gjatë „fluturimit” të tyre në ajër.

Dhe, si pasojë e përplasjes, një „objekt” i imët, i bardhë shihet në video të fluturojë nga goja e Ujkanit. Ishte dhëmbi i Ujkanit.