Treni i shpejtë bie në një kope lopësh!

Në Romont të kantonit Friburg në mëngjesin e sotëm ka ndodhur një aksident i veçantë. Treni që po udhëtonte  në linjën Bernë-Lozanë rreth orës 5.30 “ka rënë” në një kope lopësh që po qëndronin në hekurudhë!

Lëndime në njerëz nuk ka pasur ndërsa së paku dy lopë kanë gjetur vdekjen në vendine ngjarjes  dhe një tjetër u desh të mbytej nga veterinari, për shkak të plagëve të rënda.

Lokomotiva e trenit ka pësuar dëmtime të lehta nga goditja.

Linja Bernë-Lozanë  ka mbetur e bllokuar për më shumë se 2 orë. Vetëm rreth orës 8 është normalizuar trafiku në këtë hekurudhë.

Sipas policisë kantonale, lopët, duke ikur nga moti i ligë në panikë e sipër janë ndalur në vijën hekurudhore.