Kosova
Tre avokatë zviceranë mbajtën seminar për trajtimin e kafshëve në Kosovë
Në këtë seminar, kontribut të veçantë dhanë avokatët zviceranë: Vanesa Gerritsen, Katerina Stoykova dhe Gieri Bolliger, që të tre të angazhuar në Fondacionin “Tier im Recht”, në Zvicër
Në Prishtinë, kohë më parë, u mbajt një seminar për trajtimin e kafshëve në Kosovë, iniciuar nga presidentja e Fondacionit “Straycoco.com”, Dr. Helen Wormser e në bashkëpunim me Fondacionin për të drejtat e kafshëve në Kosovë, që drejtohet nga Elza Ramadani.
Në këtë seminar, kontribut të veçantë dhanë avokatët zviceranë: Vanesa Gerritsen, Katerina Stoykova dhe Gieri Bolliger, që të tre të angazhuar në Fondacionin “Tier im Recht”, në Zvicër.
Vanesa Gerritsen
Për 7 vjet e gjysmë, Fondacioni StrayCoCo.com (në shërbim të qenve të rrugës) falë Presidentes Dr. Helen Wormser është aktiv në Kosovë, shkruan albinfo.ch. Fondacioni investon në infrastrukturën e përshtatshme në zonat rurale për trajtimin e kafshëve shtëpiake, në trajnimin e veterinerëve të kafshëve të mëdha në teknikat e tredhjes së kafshëve të vogla dhe në edukimin e fëmijëve. Katër veterinerët partnerë, aktualisht aktivë në Gjakovë, Skenderaj, Drenas dhe Vushtrri, ndjekin shkollat dhe trajnojnë veterinerë të rinj.
Kohë më parë dr. Wormser u emërua në bordin e “Civil Society House Kosovo” (https://fiqorg.com/en/projects/civil-society-house/), një organizatë që synon të ndihmojë qytetarët e vendit dhe organizatat joqeveritare, që zëri i tyre të dëgjohet më shumë.
Helen Wormser
Falë përvojës dhe marrëdhënieve të saj me Kosovën, si dhe rrjetëzimit në Zvicër, u mundësua që tre avokatë nga organizata e njohur dhe e respektuar “Tier im Recht” në Zvicër, të ftohen në Kosovë. atje, Fondacioni për të drejtat e kafshëve, së bashku me Akademinë e Drejtësisë dhe Prokurorinë Themelore në Prishtinë, më 19 maj 2022, organizuan një seminar për organet e rendit lidhur me abuzimin dhe keqtrajtimin e kafshëve. Në Zvicër këto vepra ndiqen penalisht dhe autorët dënohen.
Qëllimi i seminarit me prokurorë publikë kompetentë e shumë të interesuar, si dhe me një përfaqësim të policisë, ishte që, në të ardhmen, sipas nenit 346 të Kodit Penal të Kosovës, abuzimi me kafshët dhe ndotja e ushqimit dhe ujit për kafshët, të dënohet.
Ky seminar është i pari i këtij lloji dhe synon të njoftojë institucionet ligjzbatuese me konceptin e mizorisë ndaj kafshëve dhe të drejtave të kafshëve në përgjithësi, me qëllim të krijimit të një sistemi të ri me ndëshkime proporcionale dhe të qëndrueshme për rrezikimin e shëndetit dhe mirëqenies së kafshëve.
Katerina Stoykova
Në bazë të dispozitave penale në fuqi, në Kosovë, trajnimi është fokusuar në metodat e identifikimit të abuzimit të të drejtave të kafshëve, hetimin e veprave penale për ndjekjen efektive të autorëve të krimit, pasi është e rëndësishme që ndjekja penale të shërbejë si një parandalues i mirë për ata që shkaktojnë dhimbje dhe vuajtje tek kafshët dhe gjithashtu është një mjet i rëndësishëm edukativ për t’i parandaluar kryerësit e veprave penale, që mos t’i përsërisin krimet e tyre në të ardhmen.
Gieri Bolliger
Seminari ishte një trajnim njëditor që u zhvillua nga Fondacioni “TIR” nga Zvicra, me ekspertë me përvojë të madhe në këtë fushë. “TIR” është krijuar për të forcuar dhe mbështetur institucionet ligjzbatuese në përgjegjësitë e tyre të zbatimit. “TIR” mbështet dhe promovon zhvillimin e mëtejshëm të ligjit dhe etikës për mbrojtjen e kafshëve dhe në marrëdhëniet midis njerëzve dhe kafshëve si në nivel kombëtar ashtu edhe ndërkombëtar.
Institucionet kryesore të zbatimit të ligjit në Kosovë janë Policia e Kosovës, Prokuroritë Themelore dhe Gjykatat Themelore, shkruan albinfo.ch Këto institucione janë të ndara në shtatë (7) rajone të Kosovës dhe në seminar kanë marrë pjesë zyrtarë nga secili institucion dhe secili rajon.
Elza Ramadani
Shumë raporte tregojnë që jeta kriminale e shumë njerëzve fillon me keqtrajtim ndaj kafshëve, dhe nëse nuk parandalohen dhe dënohen për dhunë ndaj kafshëve, krimet do të vazhdojnë të kryhen.
Fondacioni për të drejtat e kafshëve në Kosovë falënderoi Fondacionin “StrayCoCo”, “TIR”, “PETA” në Gjermani, Fondacionin 2Stumme Brueder2” dhe “LAV”, për mbështetjen e këtij trajnimi, si dhe Akademinë e Drejtësisë dhe Prokurorinë Themelore në Prishtinë, për gatishmërinë për bashkëpunim në trajtimin e kësaj teme.
E-Diaspora
-
Puna në qiell të jep ndjenjën e paqes “Nuk ka asgjë më mirë se të mund të punoj në qiell. Kur kam kohë dhe...
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?