Ëmbëlsira

Tiramisu e shijshme

Përbërësit:

•       150 gr miell
•       130 gr sheqer
•       3 vezë
•       50 gr nisheste (maja për ëmbëlsirë)
•        Vanilë

Përbërësit për kremin:

•       150 gr çokollatë në copëza
•       5 vezë
•       500 gr naskarpone
•       200 ml kafe
•       120 gr sheqer
•       100 gr kakao

Përgatitja e BISKOTAVE

I ndajmë të verdhat e vezëve nga të bardhat dhe këto të fundit fillojmë t’i rrahim duke ia hedhur edhe sheqerin pjesë-pjesë. Vazhdojmë me rrahjen e të bardhave derisa të fitojmë një masë të fryrë. Pastaj i hedhim edhe të verdhat dhe vazhdojmë t’i rrahim derisa të bëhet një masë homogjene.
Pastaj i përziejmë përbërësit e thatë dhe i shtojmë vezët, duke i situr dhe trazuar ngadalë.
Masën e përgatitur e qesim në letrën e pastiqerisë dhe e hapim në tavë, e pjekim në furrë të nxehtë më parë në temperaturë 180°C, për rreth 10 minuta.

Përgatitja e kremit për Taramisu

I ndajmë të bardhat e vezëve nga të verdhat dhe fillojmë t’i rrahim të bardhat derisa të bëhet një masë e fryrë. Më pas i vendosim në frigorifer, i marrim të verdhat dhe sheqerin dhe fillojmë t’i rrahim edhe ato po ashtu, me mikser me shpejtësi mesatare, derisa masa të fryhet.
Tani shtojmë naskarponen dhe i përziejmë mirë së bashku. Më pas i shtojmë të bardhat e vezëve. I përziejmë me kujdes derisa masa të  bëhet homogjene.
Në tavë filojmë të shtrojmë biskotat të lyera më parë në kafe, vendosim një shtresë biskota dhe më pas hedhim shtresën krem.
E hapim mirë në gjithë sipërfaqen e tavës, sipër shtojmë kakao dhe copëzat nga çokollata, kështu vazhdojmë edhe me shtresën e dytë.
Pasi të kemi përfunduar, ëmbëlsirën e vendosim në frigorifer për disa orë, më pas e prejmë në copa dhe e servojmë.

Ju bëftë mirë!


LAJME INTERESANTE NGA INTERNETI