E-Diaspora
Tinejxheri amerikan që dëshiron të ndihmojë Kosovën
Allen Jones është vetëm 15-vjeçar, por ka një projekt shumë interesant që të ndihmojë të rinjtë në Kosovë
Allen Jones ishte rreth 7-vjeçar, kur Kosova shpalli Pavarësinë. Derisa një vend shumë larg po luftonte për të drejtat e saj, Jones ishte i lidhur me këtë vend në shumë mënyra, shkruan ‘libertytribune.com’.
Fillimisht ai mësoi për Kosovën që e ka fituar Pavarësinë në vitin 2008 dhe kufizohet me Shqipërinë, Maqedoninë, Malin e zi dhe Serbinë. Këtë e mësoi nga babai i tij. Ai ishte vendosur në Kosovë me ushtrinë amerikane në vitin 2014. Ai ndihmoi të mësojë gjuhën angleze për nxënësit e shkollave të mesme, përcjell albinfo.ch.
“Ndërkohë që kam shërbyer në Kosovë me ushtrinë, unë vullnetarisht kam ndihmuar nxënësit e shkollave të mesme për gjuhën angleze. Kam qenë i impresionuar me dëshirën e tyre për të mësuar gjuhën. Kosova është një vend në zhvillim që ka nevojë për ndihmën tonë. Jam i lumtur që Allen vendosi të bëjë projektin e tij ‘Eagle Scout’, duke u fokusuar në arsimin. Me ndihmën e miqve të mi në Kosovë, ne kemi qenë në gjendje të hapim një shkollë që i ka munguar Kosovës, duke pasur ngrohje, ujë dhe nevoja tjera elementare”, ka thënë ish-ushtari amerikan në Kosovë.
Alleni i vogël tha se nuk ishte i sigurt se projekti i tij për shkollë do të miratohej nga udhëheqësit e trupave. Ai kërkon të vendosë ‘një urë ndërkombëtare’ për të mbledhur para dhe ndërgjegjësimin për Kosovën, një vend që përballet me shumë probleme.
“Urat janë të mira për të ndihmuar njerëzit. Edhe unë dua të ndërtoj një urë që bashkon njerëzit dhe ndihmon të rinjtë për të kapërcyer situatat e vështira”.
Për të filluar projektin e tij, Allen ka vizituar klasat e shkollave fillore dhe të mesme në Kosovë. “Shumica e nxënësve janë myslimanë. Ne kemi takuar dy miq, Alma Topalli dhe Alberta Maloku. Ata na kanë treguar shumë tregime interesante, na kanë treguar për ushqimin dhe na kanë mësuar vallen”, thotë ai.
Nëna e tij, Kristine është krenare për iniciativën e djalit të saj 15-vjeçar. Një nga hapat e ardhshëm të këtij projekti është mbajtja e një koncerti bamirësie që do të jetë më 21 tetor (sot) nga ora 19:00.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?