Lajme
Të rrish 60 ditë shtrirë në shtrat dhe të fitosh 18,000 euro
Mund të aplikojnë personat midis moshës 24 dhe 55 vjeç, midis 1.53 dhe 1.90 metra të gjatë, jo duhanpirës dhe folës të mirë të gjermanishtes
Qendra Gjermane e Hapësirës Ajrore DLR në Këln po kërkon vullnetarë për të simuluar një udhëtim në Hënë dhe Mars. Vullnetarët duhet të rrinë shtrirë në shtrat për 60 ditë. Për këtë do të fitojnë 18000 euro (17.700 franga). Por nuk është edhe aq e lehtë të fitosh para duke fjetur, transmeton albinfo.ch. Ekziston rreziku i konfuzionit, humbjes së muskujve dhe marramendjes.
Siç njoftoi DLR, subjektet e testimit do të veprojnë si “astronautë tokësorë” dhe do të simulojnë një udhëtim të gjatë pa peshë drejt trupave të tjerë qiellorë si Hëna dhe Marsi. Studiuesit duan të hetojnë në mënyrë specifike se cilat metoda mund të përdoren për të shmangur pasojat e mungesës së peshës, të cilave u frikësohen astronautët, të tilla si marramendja dhe problemet e koordinimit.
Për pjesëmarrjen e tyre në studim, i cili fillon në shtator 2024, pjesëmarrësit do të përfitojnë një kompensim shpenzimi prej 18,000 eurosh, shkruan mdr.de. Por kujdes: këto nuk janë, para “të fituara në gjumë”. Siç njofton drejtuesi i studimit Edwin Mulder, shtretërit e atyre që do të marrin pjesë në këtë aventurë janë të ulur për gjashtë gradë. Pra, koka është në nivel më të ulët se këmbët, që do të thotë se lëngjet në trup zhvendosen pothuajse sikur tek astronautët në hapësirë. Kjo rrit presionin në kokë dhe ndjenja e ekuilibrit bëhet konfuze. Përveç kësaj, muskujt dhe kockat dëmtohen gjatë dy muajve të qëndrimit shtrirë. Sistemi kardiovaskular gjithashtu ndryshon.
Sipas Mulder, ndryshime të tilla mund të bëhen një problem i madh për astronautët pas uljes në Mars ose në Hënë, përcjell albinfo.ch. Prandaj, studiuesit e DLR-së së bashku me agjencinë hapësinore të SHBA-së NASA, duan të hulumtojnë kundërmasa të mundshme. Për shembull, këmbët e pjesëmarrësve shtrëngohen pas një dërrase me rripa për t’i dhënë trupit ndjesinë e qëndrimit në këmbë. Efekti i stërvitjes së forcës dhe qëndrueshmërisë si dhe stimulimi i muskujve me impulse elektrike (EMS) duhet gjithashtu të shqyrtohen më në detaje.
Personat midis moshës 24 dhe 55 vjeç mund të aplikojnë për studimin e pushimit në shtrat DLR “Astronautët tokësorë” në dlr-probandensuche.de. Aplikantët duhet të jenë midis 1.53 dhe 1.90 metra të gjatë dhe të kenë një BMI prej 18 deri në 30. Duhet të jesh i shëndetshëm, jo duhanpirës dhe të flasësh mirë gjermanisht.
Të tjera nga Lajme
E-Diaspora
-
Floriani 10 vjeçar bën selfie me Xhakën, i kushtoi babait të tij 2600 franga. Floriani i vogël (10) është një tifoz i madh i Granit Xhakës: Nëntorin e kaluar, ai...
-
Detaje nga rasti kur një shtetas nga Kosova vrau pronarin e biznesit në Dyseldorf
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
Jeta në Austri
-
Austri: Përmbledhje e lajmeve të fundit të ditës së sotme Innsbruck me kryebashkiak të ri, SPÖ e qendrës së majtë zbulon planin për të financuar propozimin...
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja