Sporte Luftarake
Tayson Fury kthehet në ring
Bokseri Tayson Fury, do të kthehet në ring vitin e ardhshëm.
Tyson Fury do të kthehet në ring 18 gushtin e ardhshëm dhe do të ndeshet në Belfast. Promotori Frank Warren ka bërë të ditur ditën e enjte se ish-kampioni i peshave të rënda do të përballet me Francesco Pianeta në ndeshjen e tij të dytë që nga kthimi në ring.
Ndeshja e Fury-t do të jetë pjesë e përballjes kryesore që do të zhvillohet në “Windsor Park”, në Irlandën e Veriut, mes Carl Frampton, mbajtësi i titullit Inter WBO, dhe Luke Jackson, shkruan Telesport, përcjell Albinfo.ch.
33-vjeçari Pianeta nuk konsiderohet më një boksier i peshave të rënda, por është një përmirësim në krahasim me rivalin e fundit të Tyson Fury. Zvicerani me origjinë nga Gostivari, Sefer Seferi, kishte një rekord më të mirë ndeshjesh para se të ndeshej me Fury muajin e kaluar, por ai ishte ndeshur me rivalë të nivelit të ulët.
Pianeta, nga ana tjetër, është një ish-kampion i peshave të rënda i Europës dhe është ndeshur dy herë për titullin e kampionit të botës në këtë kategori, duke i humbur të dyja me “KO”.
“Tyson ka qenë jashtë boksit për një kohë të gjatë”, ka thënë Warren në një komunikatë për shtyp. “Pianeta është një kundërshtar i mirë për ndeshjen e dytë të Tyson nga momenti i kthimit të tij. Ka pushuar pak pas ndeshjes me Seferin, por është kthyer në stërvitje, gati për sfidën e Belfastit. Ka nevojë për t’u ndeshur para se të shkojë në nivelin tjetër dhe kjo ndeshje do ta ndihmojë për këtë. Do t’i duhet të punojë për të marrë fitoren”.
Anglezi Fury (26-0, 19 me “KO”) është kthyer në ring kundër Seferit pas një shkëputje prej dy vitesh e gjysmë. Fury, para Seferit, nuk kishte zhvilluar asnjë ndeshje që nga fitorja e marrë kundër ukrainasit Wladimir Klitschko (64-5, 53 me “KO”) në nëntor të 2015-ës, duke u shpallur kampion linear i peshave të rënda në IBF, IBO, WBA dhe WBO.
Fury ka patur probleme me alkoolin dhe depresionin pas fitores së bujshme kundër Klitschko. Ndeshja e tyre e dytë është anuluar dy herë për shkak të problemeve të Fury, i cili ka qenë i detyruar të dorëzojë titujt më pas.
Për sa i takon italo-gjermanit Pianeta (35-4-1, 21 me “KO”) ai ka humbur me “KO” dy ndeshjet e zhvilluara për titullin e peshave të rënda. Mëngjarashi ka humbur edhe ndeshjen e tij të fundit me vendim unanim, të zhvilluar kundër kroatit Peter Milas (12-0, 9 me “KO”). Sfidë kjo që u zhvilluar 16 qershorin e kaluar ne Mynih, Gjermani.
E-Diaspora
-
Kalabri - Itali
Gennaro Gattuso flet për rrënjët e tij në Kalabri Gennaro Gattuso rrëfen se dashurinë e vertetë dhe qetësinë e gjen tek rrënjët e gjyshit dhe...
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
-
Gjermani
Mynih: Një recital i shkëlqyeshëm piano nga Kosti Deti
-
Gjuha shqipe në Zvicër, tema qendrore e numrit më të ri të revistës albinfo.ch
Jeta në Austri
-
Një përmbledhje e lajmeve më të fundit në Austri Austria sheh rritje të papunësisë ndërsa ekonomia dobësohet, foshnja e vogël lëndohet pas rënies nga dritarja...
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?
-
Lajmet kryesore të Austrisë për këtë të enjte