Lajme
Struga, pritje madhështore për heroin e saj-Ziadin Selën
Qindra qytetarë, me fishekzjarrë e kanë pritur kthimin e Ziadin Selës në vendlindje. E gjithë turma me njërës u fut në oborrin e shtëpisë së tij për të ndarë këtë gëzim së bashku me familjen Sela
Qindra qytetarët të qytetit të Strugës kanë festuar mbrëmë me rastin e rikthimit në shtëpi të ish- kryetarit të kësaj komune, tani deputetit të Kuvendit të Maqedonisë, Ziadin Sela, i cili një javë më parë u rrah brutalisht nga huliganët maqedonas të partisë së Nikolla Gruevskit-VMRO DPMNE. Sela dje doli nga Spitali i Tetovës, në gjendje të qëndrueshme shëndetësore dhe u kthye në vendlindje.
Kryetari i Lëvizjes për Reforma në PDSH-së, Ziadin Sela, pas daljes nga spitali u prit gjithashtu nga një turmë njerëzish para Spitalit të Tetovës nga ku edhe u nis për në vendlindjen e tij, Livadhi të Strugës.
Por befasia ka qenë edhe më e madhe ku me të hyrë në fshatin e tij ai u prit nga qindra njerëz me fishekzjarrë dhe e gjithë turma u fut në oborrin e shtëpisë së tij për të ndarë këtë gëzim së bashku me familjen Sela, raporton “Zhurnal”. Siç e do tradita, kreu i LR-PDSH-së dhe familjarët e tij janë kujdesur për të gjithë të pranishmit, ndërsa vetë Sela po sa ka dalë nga vetura ju ka thënë të gjithëve “Hajde bujrum në kafe”.
Pasi u përshëndet me familjen e tij dhe fëmijët, Sela pas pak çastesh doli në oborrin e tij dhe tha se do vazhdojë rrugëtimin e tij politik edhe më furishëm. “Hajdeni brenda, hajdeni të pimë një kafe… Faleminderit shumë të gjithëve. Këto gjëra ishin të papritura, por vazhdojmë përpara….”, tha Sela para të pranishmëve.
Ziadin Sela u rrah brutalisht nga protestuesit e dhunshëm, mbështetës të ish kryeministrit Nikolla Gruevski,derisa po mbahej seanca plenare e Kuvendit të Maqedonisë, në të cilën u zgjodh me shumicë votash, Talat Xhaferi, kryetar i Kuvendit të Maqedonisë. Protestuesit e kishin rrahur deri në atë masë sa kishin menduar se Sela kishte vdekur.
Dhuna në Kuvend, e sidomos ndaj Selës, ka ngjallur reagime gjithandej opinionit vendor e ndërkombëtarë.
E-Diaspora
-
Osmani: Shqiptarët e Amerikës, ura më e fuqishme e aleancës Kosovë-SHBA Në kuadër të qëndrimit të saj në Teksas të SHBA-së, presidentja e Kosovës, Vjosa Osmani, ka...
-
Besa Kokëdhima ndez skenën e Eurovision-it në Malmo të Suedisë
-
Klesta Krasniqi zgjedhet këshilltare komunale në Lausanne
-
Shuma që shpenzoi mërgimtari për shtatoren e Skënderbeut në Gjakovë
-
Integrimi: Hapi i parë, si ta thyejmë izolimin
Jeta në Austri
-
Kaleen performoi në skenën e Malmos, duke përfaqësuar Austrinë Një dekadë pasi Conchita Wurst bëri histori dhe fitoi Eurovision Song Contest në emër të Austrisë,...
-
Pse Austria nuk është në NATO?
-
Austri
Vjenë: Kori Siparantum, mahnitës në 200-vjetorin e Simfonisë së Nëntë të Beethovenit
-
80 vjedhje, 560 mijë euro dëm: Arrestohen katër shqiptarë në Austri
-
Austri: Ministri i Brendshëm kërkon dëbimin në Kosovë të kriminelëve nga vendet e treta