Kosova
Stano, i pyetur për “dështimin” e Lajçakut në procesin e dialogut: Rezultatet nuk janë dështim i tij, por i palëve
Zëdhënësi i Bashkimit Evropian, Peter Stano, ka thënë se roli i tyre në procesin e dialogut Kosovë-Serbi është që t’u ndihmojnë të dyja vendeve të bëhen evropianë.
Sipas tij, nëse palët nuk duan të lëvizin në rrugën drejt BE-së, atëherë askush nuk mund t’i detyrojë ata.
“Ka një mësim të qartë, që nëse palët nuk duan të lëvizin, askush nuk do të mund t’i detyrojë ata. Roli ynë si lehtësues në dialogun Kosovë-Serbi është që të lehtësojmë, të ndihmojmë që të bëhen evropianë, t’i ndihmojmë të fillojnë që të sillen në mënyrë evropiane dhe të gjenden zgjidhje kompromisi në çështje të rëndësishme për qytetarët e tyre. Fakti që nuk ishin në gjendje ta bënin këtë deri tani dhe të lëvizin përpara në procesin e normalizimit nuk është për shkak të dështimit të pretenduar të BE-së si lehtësuese, por është për shkak të dështimit të tyre që të mbajnë fjalën. Do të mbërrijmë aty, përtej mandatit të një emisari special”, ka thënë ai.
Deklaratat e tij vijnë pasi u pyet nëse i dërguari i BE-së për dialogun Kosovë-Serbi, Mirolsav Lajçak, ka dështuar në misionin e tij në kuadër të dialogut ndërsa ka shtuar se nuk është korrekte të thuhet se ka dështim për faktin se palët nuk e kanë nënshkruar Marrëveshjen e Ohrit.
“Kështu që nuk është e vërtetë që mund të paraqiten rezultatet e deritashme si dështim i zotit Lajçak. Ai ka bërë më të mirën në emër të përfaqësuesit të lartë dhe BE-së, me mbështetjen e plotë të 27 vendeve të BE-së. Nuk është faktikisht korrekte të thuhet se ishte dështim, për faktin se dy palët nuk e kanë nënshkruar Marrëveshjen e Ohrit. Me dhjetëra herë kemi sqaruar se nuk ka pasur pikëpyetje për nënshkrimin. Kjo marrëveshje është ligjërisht obligative, dhe nuk ka sqarim më të mirë të faktit se është ligjërisht obligative, pasi që është bërë pjesë integrale e rrugës drejtë anëtarësimit si për Kosovën ashtu edhe për Serbinë. Kështu që nuk bëjnë hapa drejt implementimit, ata i bëjnë dëm vetes”, ka thënë ai.
Të tjera nga Kosova
E-Diaspora
-
Itali, shpallen në kërkim 4 shqiptarë për këto arsye Policia shqiptare dhe ajo italiane janë përfshirë gjatë ditës së sotme në një operacion të përbashkët...
-
Nesër është dita e fundit e regjistrimit të diasporës
-
Romë
Një kompani e drejtuar nga shqiptari, shpallet kompania më e suksesshme në Itali
-
Itali
Irma Kurti vlerësohet me “Çmimin e Kulturës” në Itali
-
Pianistja e njohur kosovare, Lule Elezi, mban koncert recital në vendlindjen e Shopenit
Jeta në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj Bonusi i klimës do të jepet për të gjithë personat që janë banorë të regjistruar në...
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun