Sporti, “degë ekonomike” me rëndësi për Zvicrën

Me 20 miliard qarkullim, sporti merr pjesë me përqindje të përafërt me degën e përpunimit të metaleve në bruto prodhimin shoqëror të Zvicrës

Se sporti është fitimprurës për sportistet kulminantë, është gjë që dihet. Por më pak është e njohur se sporti në Zvicër  është një faktor relevant dhe mjaft fitimprurës ekonomik.

Siç e tregon një studim i porositur nga Zyra Federale për  Sport , gjatë vitit 2011 “ekonomia” e sportit në Zvicër ka qarkulluar  rreth 20 miliardë franga ndërsa fitimi bruto ka qenë 10 miliardë franga.  

Me këtë shumë, sporti përbën 1.7 për qind të brutoprodhimit nacional të Zvicrës, që është më shumë se dyfishi i përqindjes që e bën bujqësia, shkruan nzz.ch.

Marrë në përgjithësi, ekonomia e sportit, merr pjesë me përqindje  të përafërt me atë të degës  së përpunimit të metaleve ose të furnizimit me energji e me ujë në bruto prodhimin shoqëror të Zvicrës, ka konstatuar studimi.