Spanja pritet të ketë zgjedhje të parakohshme

Qeveria spanjolle të mërkurën pritet të mos mund ta votojë buxhetin në Parlament.

Kryeministri Pedo Sanchez ka në plan të shpallë së shpejti zgjedhjet e përgjithshme të parakohshme, njoftuan burime shtetërore, shkruan Reuters.

Sipas njoftimeve, data e zgjedhjeve të parakohshme nuk është vendosur ende, por 14 prilli vlerësohet si datë e mundshme. Kryeministri Sanchez dëshiron që votimi të ndodhë shpejt, në mënyrë që të mobilizojë elektoratin e majtë nga “rreziku” i ardhjes së të djathtëve në qeveri, shkruan rel, përcjell albinfo.ch.

Votimi i buxhetit në masë të madhe varet nga partitë katalane, pro pavarësisë, të cilat deri tani kanë thënë se do ta kundërshtojnë atë. Por, partitë mund të ndryshojnë teorikisht mendjen e tyre deri në minutën e fundit.