Kosova
Sonte në SRF: Një udhëtim mbresëlënës i fermereve zvicerane në Krushë të Madhe
Ju ftojmë që sonte me fillim nga ora 21:00, të ndiqni emisionin „Wenn Landfrauen reisen“ që do të emetohet në Televizionin shtetëror të Zvicrës, SRF
Sabrina Stadelmann 37 vjeçare dhe Coni Hiltebrand 51, pas ftesës së emisionit mjaft popullor në Zvicër “SRF bi dem Lüt – Wenn Landfrau Reisen“ që emetohet në televizionin shtetëror të Zvicrës SRF, tashmë kishin bërë gati valixhet e tyre për një udhëtim që nuk e dinin ende destinacionin, ku do ta kalojnë një javë.
Dy fermeret zvicerane përshëndeten me familjarët e tyre dhe marrin rrugën në Aeroportin e Zürichut ku takohen mes vete, e ku me pas nga produksioni njoftohen për rrugëtimin e tyre, deri atëherë sekret.
Kryeqyteti i Kosovës, Prishtina, është destinacioni i ardhshëm i zonjave zvicerane, të cilat mirëpriten nga udhërrëfyesi kosovar Kushtrim Kadriu, shkruan albinfo.ch. Ky i fundit, para se ti dërgonte aty ku ishte vendtakimi final, i njofton Sabrinën dhe Conin me jetën e natës në Prishtinë.
Të nesërmen, së bashku me tërë ekipin që kishte ardhur nga Zvicra si dhe me Kushtrimin, ia mësyjnë Krushës së Madhe.
Krusha e Madhe, është një ndër fshatrat që ka pësuar më së shumti gjatë luftës së fundit në Kosovë. Me mbi 240 persona të ekzekutuar dhe më pas të zhdukur, shumica e tyre meshkuj, ndërsa gratë dhe fëmijët ishin deportuar me dhunë në Shqipëri. Nga fshati që dikur frymonte, tashmë kishin mbetur vetëm gërmadhat dhe kujtimet për të.
Nga një histori mëse tragjike, aty lind edhe nje fije shprese, apo nje histori suksesi, kur gratë e veja të prira nga Fahrije Hoti, përkundër shumë pengesave, arrijnë të ngrenë në këmbë një biznes shumë të suksesshëm, atë të përpunimit të specave.
Fermeret nga Zvicra, apo “Landfrauen” me të arritur në Krushë, përballen që në fillim me mikpritjen shqiptare, shkruan albinfo.ch. Ende pa dalë nga vetura shërbehen me ëmbëlsira dhe priten nga mikpritësja, Fahrije Hoti.
„5 Ditët e kaluara në Kooperativën Gratë e Krushës, ftesa në një ceremoni fejese me bi 300 të ftuar, e më pas edhe shijimi i Via Ferratas, ishin diçka fantastike”, shprehet për albinfo.ch, Jan Fitze, nga redaksia e „Wenn Landfrauen Reisen“. Sipas tij, qëllimi i emisionit është njohja dhe përafrimi me kultura të tjera.
Java e paraparë për në Krushë përmbyllet shumë shpejt, por në fund përillet edhe me emocione të shumta me rastin e ndarjes nga tashmë “koleget e punës“, me të cilat kishin punuar, ngrënë e vallëzuar së bashku.
Por të prekura nga të gjitha gjerat që e karakterizon Krushën e sidomos gratë e Krushës, Sabrina dhe Coni, i premtojnë Fahrijes që vitin e ardhshëm do ta vizitojne prapë Krushën dhe do të jenë punëtore vullnetare në Kooperativë.
Për të ndjekur të gjitha peripecitë e dy fermereve zvicerane në Kosovë, ju ftojmë që sonte me fillim nga ora 21:00, të ndiqni emisionin „Wenn Landfrauen reisen“ që do të emetohen në Televizionin shtetëror të Zvicrës, SRF.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Avokati kërkon lirimin e menjëhershëm të shqiptarit të akuzuar për vrasje të dyfishtë
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
Jeta në Austri
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë Lëvizja në një vend të ri mund të jetë sfiduese, por stresi i gjetjes së kujdesit...
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl