Të tjera
Sondazhi vë në pah shqetësimin e evropianëve për migrimin
Vendet e Evropës Jugore dhe Lindore janë më shumë të shqetësuara për emigrimin sesa për imigrimin, sipas një studimi të bërë në 14 shtete të Bashkimit Evropian.
Siç raporton “The Guardian”, në Spanjë, Itali, Greqi, Poloni, Hungari dhe Rumani, gjashtë shtete ku nivelet e popullatës janë në rënie, më shumë qytetarë kanë thënë se emigrimi është më shumë shqetësim se imigrimi, sipas të dhënave të “Këshillit Evropian për Marrëdhëniet Jashtme”.
Rënia më e madhe sa u përket këtyre vendeve është parë në Rumani, ku numri i popullatës ka pësuar rënie për gati 10 për qind në dekadën e fundit, kryesisht për shkak se të rinjtë janë larguar drejt Evropës Perëndimore.
Megjithatë, në grafikun e publikuar nga Eurostati është shfaqur edhe Kosova për periudhën 2007-2018. Aty shkruan se Kosova ka përjetuar zvogëlimin më të madh të popullatës me rënie prej 15.4 për qind, transmeton Koha.net, përcjell albinfo.ch.
Gjithsesi, sipas shteteve në veri dhe në perëndim të Evropës, shqetësimi për imigrim është më i madh se ai për emigrim. Në total, 20 për qind ishin të brengosur për emigrimin, 32 për qind për imigrimin. Në studim morën pjesë rreth 50 mijë qytetarë.
Hulumtimi u krye në 14 shtetet që zënë gati 80 për qind të ulëseve në Parlamentin evropian.
Hulumtimi po ashtu gjeti se radikalizmi islamik ishte shqetësimi më i madh i evropianëve, me një nga pesë evropianët që ka më shumë frikë. Kryesisht ky shqetësim ishte ngritur në vendet si Belgjika, Franca e Holanda.
Të ngjashme
Të tjera nga Të tjera
E-Diaspora
-
Floriani 10 vjeçar bën selfie me Xhakën, i kushtoi babait të tij 2600 franga. Floriani i vogël (10) është një tifoz i madh i Granit Xhakës: Nëntorin e kaluar, ai...
-
Detaje nga rasti kur një shtetas nga Kosova vrau pronarin e biznesit në Dyseldorf
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
Jeta në Austri
-
Austri: Përmbledhje e lajmeve të fundit të ditës së sotme Innsbruck me kryebashkiak të ri, SPÖ e qendrës së majtë zbulon planin për të financuar propozimin...
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja