Lajme

Si e synuan hakerët rusë prishjen e Eurovision-it?

Policia italiane deklaroi se hakerët rusë u përpoqën të prishnin Eurovision-in e këtij viti nëpërmjet sulmeve kibernetike.

Sipas tyre, finalja e madhe dhe dy gjysmëfinalet u shënjestruan nga grupi prorus i hakerëve “Killnet”, sidoqoftë sulmi u bllokua.

Festivali, i cili u mbajt në Itali, u konsiderua si shfaqje publike e solidaritetit me Ukrainën në luftën e saj kundër Rusisë, që iu ndalua pjesëmarrja në Eurovision.

Në një postim në Telegram, “Killnet” iu kundërpërgjigj pretendimeve të autoriteteve italiane, duke thënë se nuk qëndronin pas sulmit.

Në përgjigje të kësaj akuze, grupi i hakerëve i kanë “shpallur luftë” policisë italiane./Euronews