Lajme
Shumica e zviceranëve duan të kufizojnë fishekzjarret për individët privatë
Më shumë se tre të katërtat e popullsisë zvicerane mbështesin nismën e paraqitur në vjeshtë për të kufizuar përdorimin e fishekzjarreve nga individët privatë. Sipas një sondazhi përfaqësues, arsyet kryesore për këtë janë mirëqenia e kafshëve dhe ndotja e ajrit, përcjell albinfo.ch.
Sipas sondazhit, nisma e fishekzjarreve gëzon mbështetje të fortë në mesin e popullatës: 76% e të gjithë të anketuarve janë në favor të nismës dhe 24% janë kundër. Shumica e pjesëmarrësve mbajtën një qëndrim të qartë.
Sondazhi nga portali i lajmeve Watson u publikua sot teksa, shumica e votuesve të Gjelbër ishin më pro: 92% ishin në favor të kufizimit të përdorimit të fishekzjarrëve nga individët privat. Një shumicë në kampin e qendrës së djathtë ishte gjithashtu në favor të një kufizimi të tillë. Iniciativa mori mbështetjen më të vogël nga votuesit radikalo-liberalë, me 62%, sipas swissinfo.
Stresi tek kafshët shtëpiake dhe kafshët e fermës
“Stresi në kafshët shtëpiake dhe kafshët e fermës” dhe “stresi në kafshët e egra” ishin arsyet kryesore të dhëna për mbështetjen e nismës. Një rol të rëndësishëm luajti edhe ndotja e ajrit.
Rreth një e katërta e të anketuarve thanë se ishin kundër nismës. Sipas tyre, fishekzjarrët janë traditë dhe pjesë e jetës. Përveç kësaj, tashmë ka shumë rregullore dhe ndalime ndërsa sipas tyre, ndalimi i fishekzjarrëve gjithashtu nuk i përket kushtetutës.
Nisma e fishekzjarrëve dëshiron të kufizojë shitjen dhe ndezjen e fishekzjarreve me zë të lartë për individët privatë. Produktet piroteknike që nisen pa bërë zhurmë duhet të mbeten të autorizuara. Shfaqjet e mëdha profesionale të fishekzjarreve publike në ngjarje duhet gjithashtu të vazhdojnë të lejohen nëse ato autorizohen sipas kërkesës. Nisma u shpall e vlefshme me 137.193 vota pro.
Anketa e Watson u krye midis 14 dhe 20 dhjetorit në bashkëpunim me institutin e kërkimeve sociale Demoscope; Janë anketuar 8250 persona nga Zvicra gjermanofolëse dhe frëngjishtfolëse.
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri