Lajme
Humb jetën vogëlushja shqiptare pasi shoferja hyn në korsinë e gabuar
Viktima dhe dy nga të lënduarit - prindërit e vogëlushes 6 vjeçare - janë pjesëtarë të një familje shqiptare nga Zvicra
Në Gottmadingen (rrethi i Konstancës, Gjermani) ka ndodhur një aksident i rëndë rreth orës 15:50 të së dielës . Një vogëlushe 6 vjeçare ka humbur jetën ndërsa katër persona të tjerë kanë pësuar lëndime, disa prej të cilëve janë në gjendje të rëndë.
albinfo.ch merr vesh se viktima dhe të lënduarit janë shqiptarë nga Zvicra. Familjarët e saj njoftojnë se e ndjera S. G. (20.04.2016-27.11.2022) do të varroset të mërkurën, më 30.11.2022 në orën 14:00 ne varrezën te Pfarrkirche St. Peter und Paul, në Sarnen, Kantoni Obwalden.
Tragjedia ka ndodhur pas përplasjes së dy makinave, ka thënë të hënën një zëdhënëse e policisë.
Makthi u shkaktua nga një “makinë fantazmë”. Një shofere 28 vjeçare ka hyrë në korsinë e kundërt në hyrje të Autostradës 81 për arsye ende të panjohura, shkruan bild.de. Aty makina e saj është përplasur kokë më kokë me makinën e një burri 41 vjeçar.
41-vjeçari dhe pasagjerja 37-vjeçare – prindërit e vajzës, siç ka konfirmuar më vonë një zëdhënëse e policisë, janë lënduar rëndë, ashtu sikurse dhe gjashtë vjeçarja e cila ishte ulur në karrigen e pasme.
Përveç policisë dhe 30 vetave nga shërbimet e urgjencës të brigadës së zjarrfikësve Singen, në vend ndodhej edhe një ekip pastorësh, raporton një zjarrfikës.
“Aksidenti na ka prekur shumë thellë të gjithëve”, thotë ai, përcjell albinfo.c. Një ekspert tani duhet të sqarojë rrjedhën e aksidentit. A81 është mbyllur përkohësisht si pasojë e aksidentit.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Austri
-
Sa vite duhet të punoni në Austri që të keni të drejtën e pensionit? Kur punoni në një vend tjetër, është e rëndësishme të njihni të drejtat tuaja – veçanërisht...
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë